03 ອົງການຈັດຕັ້ງມະຫາຊົນອອກແຮງງານສ້າງຂະບວນການຕ້ອນຮັບ ກອງປະຊຸມໃຫຍ່ ຄັ້ງທີ 05 ຂອງ ໜ່ວຍພັກຄະນະໂຄສະນາອົບຮົມແຂວງ.

ຕອນເຊົ້າຂອງວັນທີ 20 ກັນຍາ 2019 ຜ່ານມາ 03 ອົງການຈັດຕັ້ງມະຫາຊົນຮາກຖານຄະນະໂຄສະນາອົບຮົມແຂວງ ສ້າງຂະບວນການຕ້ອນຮັບ ກອງປະຊຸມໃຫຍ່ ຄັ້ງທີ 05 ຂອງ ໜ່ວຍພັກຄະນະໂຄສະນາອົບຮົມແຂວງ ອ້ອມຮອບຫ້ອງການ

ພາຍໃຕ້ການ ຊີ້ນໍາ-ນໍາພາ ຂອງ ສະຫາຍ ຫຸມພັນ ທຳມຸງຄຸນ ຮອງເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ (ຜູ້ຊີ້ນຳວຽກງານອົງການຈັດຕັ້ງມະຫານຊົນ) ພ້ອມດ້ວຍສະມາຊິກ 03 ອົງການຈັດຕັ້ງເຂົ້າຮ່ວມ 26 ສະຫາຍ, ຍິງ 08 ສະຫາຍ.

ໃນຂະບວນການອອກແຮງງານດັ່ງກ່າວ ແມ່ນໄດ້ນໍາພາຕັດຫຍ້າ, ອານາໄມສວນດອກໄມ້, ທາສີຫ້ອງການ ແລະ ອານາໄມອ້ອມຮອບຫ້ອງການ, ເຊິ່ງຂະບວນການດັ່ງກ່າວແມ່ນໄດ້ດໍາເນີນໄປດ້ວຍບັນຍາກາດຟົດຟື້ນ, ຫ້າວຫັນເຕັມໄປດ້ວຍຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ. ດ້ວຍຈິດໃຈບຸກທະລຸ ທັງ 04 ດ້ານ ຕາມທິດ 03 ສ້າງ ສົມກັບວ່າ 03 ອົງການຈັດມະຫາຊົນເປັນກອງນໍາໜ້າຂອງພັກ ເພື່ອສ້າງໃຫ້ໄດ້ບຸກຄົນທີ່ດີເດັ່ນ ແລະ ກ້າວໜ້າ, ເປັນແບບຢ່າງໃນການປະຕິບັດໜ້າທີ່ວຽກງານຮອບດ້ານ.