ມອບ-ຮັບ ຫົວຫນ້າຄະນະໂຄ​ສະ​ນາ​ອົບ​ຮົມ​ແຂວງຜູ້ໃຫມ່

ສ້າງຂື້ນເມື່ອ ວັນສຸກ, 25 ທັນວາ 2020 02:04
ຂຽນໂດຍ ບຸນມີ ໄຊຍະກຸມມານ

ມອບ-ຮັບ ຫົວຫນ້າຄະນະໂຄ​ສະ​ນາ​ອົບ​ຮົມ​ແຂວງຜູ້ໃຫມ່

ພິທີມອບ-ຮັບ ຫົວຫນ້າຄະນະໂຄ​ສະ​ນາ​ອົບ​ຮົມ​ແແຂວງຫລວງພະບາງ ລະຫວ່າງ  ທ່ານ ຄຳຫຼ້າ​ລຽນ​ປະ​ດິດ ຄະ​ນະ​ປະ​ຈຳ​ພັກ​ແຂວງ ສະ​ມາ​ຊິກ​ສະ​ພາ​ແຫ່ງ​ຊາດ​ເຂດ​ເລືອກ​ຕັ້ງ​ທີ່ VI ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ ຜູ້​ເກົ່າ ແລະ ທ່ານ ມອນໄຊ ລາວມົວຊົ່ງ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງ ຜູ້ໃໝ່ ໄດ້ຈັດຂຶ້ນໃນວັນທີ 17 ທັນວາ 2020 ນີ້ຢູ່ຫ້ອງປະຊຸມ ພະ​ແນກ​ແຮງ​ງານ ສະ​ຫວັດ​ດີ​ການ-ສັງ​ຄົມແຂວງ ໂດຍການເຂົ້າຮ່ວມຂອງທ່ານ ຄໍາຂັນ ຈັນທະວີສຸກ ເລຂາຄະນະບໍລິຫານງານພັກແຂວງ, ເຈົ້າແຂວງຫລວງພະບາງ.

​ຕາງ​ໜ້າຄະນະຈັດຕັ້ງແຂວງ ໄດ້ຂຶ້ນມະ​ຕິ​ຕົກ​ລົງ​ຂອງ​ຄະ​ນະ​ປະ​ຈຳ​ພັກ​ແຂວງ ຫຼວງ​ພະ​ບາງ ວ່າດ້ວຍການ ແຕ່ງຕັ້ງຫົວຫນ້າຄະນະໂຄ​ສະ​ນາ​ອົບ​ຮົມແຂວງຫລວງພະບາງ ສະບັບເລກທີ 349/ຄປພຂ-ຫຼບ ລົງວັນທີ 7 ທັນວາ 2020  ໂດຍເຫັນດີຕົກລົງແຕ່ງຕັ້ງ ທ່ານ ມອນໄຊ ລາວມົວຊົ່ງ ຄະນະປະຈໍາພັກແຂວງ ເປັນຫົວຫນ້າຄະນະໂຄ​ສະ​ນາ​ອົບ​ຮົມ​ແຂວງ ຜູ້ໃຫມ່ ຈາກນັ້ນ ຫົວຫນ້າຄະ​ນະ​ໂຄ​ສະ​ນາ​ອົບ​ຮົມ​ແຂວງ ຜູ້ເກົ່າ ແລະ ຜູ້ໃຫມ່ ໄດ້ພ້ອມກັນລົງນາມເຊັນບົດບັນທຶກມອບ-ຮັບໜ້າທີ່ ໂດຍຊ່ອງໜ້າຜູ້ເຂົ້າຮ່ວມເປັນສັກຂີພະຍານ.

ຕອນທ້າຍ ທ່ານ ຄໍາຂັນ ຈັນທະວີສຸກ ເຈົ້າແຂວງຫລວງພະບາງ, ກໍໄດ້ມີຄຳເຫັນໂດຍເນັ້ນໃຫ້ຫົວໜ້າຜູ້ໃໝ່ສືບຕໍ່ຮັກສາມູນເຊື້ອ ເສີມຂະຫຍາຍດ້ານດີ, ແກ້ໄຂດ້ານອ່ອນ, ຕິດພັນກັບການປັບປຸງ ແລະ ສືບຕໍ່ຈັດຕັ້ງປະບັດວຽກງານບັນດາອົງການຈັດຕັ້ງ ພັກ-ລັດ ມອບຫມາຍໃຫ້ຂະຫຍາຍຕົວ ແລະ ມີຄວາມເຂັ້ມແຂງຂຶ້ນເປັນກ້າວໆ.