ຈັດຝືກອົບຮົມໃຫ້ສະມາຊິກພັກໃໝ່ ຊຸດທີ 1 ປີ 2021

ລາຍລະອຽດ

ສ້າງຂື້ນເມື່ອ ວັນອັງຄານ, 26 ມັງກອນ 2021 03:20

ຂຽນໂດຍ ບຸນມີ ໄຊຍະກຸມມານ

ຄະນະໂຄສະນາອົບຮົມແຂວງ ຈັດຝືກອົບຮົມໃຫ້ສະມາຊິກພັກໃໝ່ ຊຸດທີ 1 ປີ 2021

    ໃນລະຫວ່າງວັນທີ 13-14 ມັງກອນ 2021 ນີ້ ຢູ່ຫ້ອງປະຊຸມຂອງຄະນະໂຄສະນາອົບຮົມແຂວງ ໄດ້ຈັດຝຶກອົບຮົມສະມາຊິກພັກໃໝ່ ຊຸດທີ 1 ປີ 2021 ມີວິທະຍາກອນ ແລະ ສໍາມະນາກອນ ມາຈາກຄະນະພັກຮາກຖານ ພະແນກຖະແຫຼງຂ່າວ ວັດຖະນະທຳ ແລະ ທ່ອງທ່ຽວແຂວງ ແລະ ຄະນະພັກຮາກຖານ ວິທະຍາໄລ ເຕັກນິກວິຊາຊີບ ຫຼວງພະບາງ ເຂົ້າຮ່ວມ ທັງໝົດ 24 ສະຫາຍ, ຍິງ 6 ສະຫາຍ. 

    ໃນພິທີ ສໍາມະນາກອນ ກໍຄືສະມາຊິກພັກໃໝ່ ໄດ້ຮັບຟັງການບັນຍາຍເອກະສານໂດຍສະຫາຍ ທອງຈັນ ພົມມະລັດ ຄະນະພັກ ຜູ້ກວດກາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ ແລະ ສະຫາຍ ບຸນຈັນ ກັນຍາວົງ ຫົວໜ້າຫ້ອງການບໍລິຫານ-ຈັດຕັ້ງ ເອກະສານທີ່ບັນລະຍາຍປະກອບດ້ວຍ ຄວາມຮູ້ພື້ນຖານກ່ຽວກັບ-ລັດທິມາກເລນິນ; ວຽກງານກໍ່ສ້າງພັກ; ຄຸນທາດການເມືອງ, ຄຸນສົມບັດສິນທໍາປະຕິວັດຂອງສະມາຊິກພັກ; ເຊີດຊູຄວາມເປັນແບບຢ່າງນໍາໜ້າຂອງສະມາຊິກພັກ ແລະ ການແກ້ໄຂພະຍາດອາດຍາສິດ-ສະກັດກັ້ນຕ້ານການສໍ້ລາດບັງຫຼວງ.
ການອົບຮົມໃນຄັ້ງນີ້ແມ່ນນຳໃຊ້ເອກະສານສະເພາະກ່ຽວກັບສະມາຊິກພັກໃໝ່ ເນື້ອໃນເອກະສານແມ່ນແນໃສ່ຍົກລະດັບຄວາມຮູ້ຄວາມເຂົ້າໃຈ ກ່ຽວກັບມະຕິກອງປະຊຸມໃຫຍ່ຄັ້ງທີ 10 ຂອງພັກປະຊາຊົນະຕິວັດລາວ, ມະຕິກອງປະຊຸມໃຫຍ່ຄັ້ງທີ 7 ຂອງອົງຄະນະພັກແຂວງ ໂດຍສະເພາະແມ່ນຄວາມຮູ້ກ່ຽວກັບລັດທິ ມາກ-ເລນິນ ວຽກງານກໍ່ສ້າງແລະປັບປຸງພັກ, ຄຸນທາດການເມືອງ ແລະ ຄຸນສົມບັດສິນທຳປະຕິວັດ, ຄວາມເປັນແບບຢ່າງນຳໜ້າຂອງສະມາຊິກພັກ ແລະການແກ້ໄຂພະຍາດອາດຍາສິດ, ສະກັດກັ້ນ ແລະຕ້ານການສໍ້ລາດບັງຫຼວງຂອງພະນັກງານ, ສະມາຊິກພັກປະຊາຊົນປະຕິວັດລາວ ໃຫ້ເລິກເຊີ່ງ.
     ຕອນທ້າຍ ສໍາມະນາກອນ ໄດ້ຮັບຟັງການ ໂອ້ລົມຂອງ ສະຫາຍ ທອງຈັນ ພົມມະລັດ ຄະນະພັກ ຜູ້ກວດກາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ ເພື່ອເປັນເຂັມຊີ້ທິດເຍື່ອງທາງ ໃຫ້ສໍາມະນາກອນໄດ້ມີຄວາມຮັບຮູ້ເຂົ້າໃຈຢ່າງເລິກເຊິ່ງ ແລະກຳແໜ້ນ ທິດນຳໃນການກໍ່ສ້າງພັກໃຫ້ປອດໃສ, ເຂັ້ມແຂງ ແລະໜັກແໜ້ນ, ເຮັດໃຫ້ການຈັດຕັ້ງຂອງພັກ ມີຄວາມໜັກແໜ້ນເຂັ້ມແຂງ ສືບຕໍ່ເຮັດໜ້າທີ່ການເມືອງເປັນຢ່າງດີ

• < ຕໍ່ໄປ
• ຕໍ່ໄປ >