​ຊົມ​ເຊີມ​ວັນ​ສ້າງ​ຕັ້ງ​ພັກ ​ປະ​ຊາ​ຊົນ​ປະ​ຕິ​ວັດ​ລາວ ​ຄົບ​ຮອບ 66 ປີ ຢ່າງ​ສຸດ​ໃຈ.

ອອກ​ແຮງ​ແຂ່ງ​ຂັນ​ສ້າງ​ຜົນ​ງານ​ຄຳ​ນັບ​ຮັບ​ຕ້ອນ​ວັນ​ສ້າງ​ຕັ້ງ​ພັກ ຄົບ​ຮອບ 66 ປີ.

ພິທີໂຮມຊຸມນຸມປາຖະກະຖາ ຫວນຄືນມູນເຊື້ອປະຫວັດການເຄື່ອນໄຫວ ປະທານ ສຸພານຸວົງ ເພື່ອລະນຶກ ວັນເກີດ ຄົບຮອບ 112 ປີ.

ວັນທີ 13 ກໍລະກົດ 2021 ທີ່ ສະໂມສອນໃຫຍ່ຂອງແຂວງ ໄດ້ຈັດຕັ້ງ ໂຮມຊຸມນຸມປາຖະກະຖາ ຫວນຄືນມູນເຊື້ອປະຫວັດການເຄື່ອນໄຫວ ຂອງປະທານ ສຸພານຸວົງ ເພື່ອລະນຶກວັນເກີດ ຄົບຮອບ 112 ປີ (13 ກໍລະກົດ 1909 – 13 ກໍລະກົດ 2021) ພາຍໃຕ້ການເຂົ້າຮ່ວມຂອງ ສະຫາຍ ສຸກັນ ບຸນຍົງ ຮອງເລຂາພັກແຂວງ ປະທານແນວລາວສ້າງຊາດແຂວງ, ມີ ສະຫາຍ ນາງ ວຽນວິໄລ ດີລະພັນ ກໍາມະການປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ

ມີບັນດາສະຫາຍ ກຳມະການປະຈຳພັກແຂວງ, ກໍາມະການພັກແຂວງ, ພະນັກງານບໍານານອາດິດການນຳຂອງແຂວງ, ອົງການແນວລາວສ້າງຊາດແຂວງ, ສະພາປະຊາຊົນແຂວງ, ຄະນະພັກພະ​ແນ​ກການ, ຄະນະພັກສອງກອງ​ບັນຊາ​ການໃນກໍາລັງປະກອບອາວຸດ, ອົງການທຽບເທົ່າ, ອົງການ​ຈັດ​ຕັ້ງ​ມະຫາຊົນ, ສະ​ຖາ​ບັນ​ການສຶກສາ, ລັດ​ວິສາຫະກິດ​ຕ່າງໆ ອ້ອມຂ້າງແຂວງເຂົ້າຮ່ວມ 101 ສະຫາຍ; ຍິງ 17 ສະຫາຍ.

ໂດຍອີງຕາມແຈ້ງການ ຂອງ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ຂັ້ນແຂວງ ໃນໄລຍະວັນທີ 4 ກໍລະກົດ 2021 - ວັນທີ 20 ສິງຫາ 2021 ວາງອອກ ເພື່ອເປັນການຮັກສາໄລຍະຫ່າງ.

ໃນພິທີ ສະຫາຍ ນາງ ວຽນວິໄລ ດີລະພັນ ກຳມະການປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ໃຫ້ກຽດຂຶ້ນກ່າວ ຈຸດປະສົງ, ຕໍ່ພິທີ ວັນເກີດ ປະທານ ສຸພານຸວົງ ຄົບຮອບ 112 ປີ ພ້ອມທັງຮຽນເຊີນ ສະຫາຍ ສຸກັນ ບຸນຍົງ ຮອງເລຂາພັກແຂວງ ປະທານແນວລາວສ້າງຊາດແຂວງ ໃຫ້ກຽດຂຶ້ນປາຖະກະຖາຫວນຄືນມູນເຊື້ອປະຫວັດການເຄື່ອນໄຫວຂອງ ປະທານ ສຸພານຸວົງ ຜູ້ນໍາທີ່ແສນເຄົາລົບຮັກຂອງປວງຊົນລາວທັງຊາດ.

ເຊິ່ງເນື້ອໃນບົດປາຖະກະຖາ ແມ່ນເປັນການລະນຶກຫວນຄືນມູນເຊື້ອຄຸນງາມ-ຄວາມດີ ຂອງ ປະທານ ສຸພານຸວົງ ທີ່ມີຕໍ່ປະເທດຊາດ, ຮໍ່າຮຽນເອົາແບບຢ່າງດ້ານມານະຈິດ, ຄຸນສົມບັດສິນທຳປະຕິວັດອັນສູງສົງຂອງເພີ່ນ ແລະ ເພື່ອເປັນການໂຄສະນາສຶກສາອົບຮົມການເມືອງ-ແນວຄິດ, ໃຫ້ພະນັກງານ, ສະມາຊິກພັກ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າ ໄດ້ຮໍ່າຮຽນເອົາແບບຢ່າງນໍ້າໃຈຮັກຊາດອັນດູດດື່ມ, ຈິດໃຈຕໍ່ສູ້ພິລະອາດຫານກ້າແກ່ນ, ທັດສະນະຫຼັກໝັ້ນອັນໜັກແໜ້ນ ແລະ ນໍ້າໃຈເສຍສະຫຼະອັນສູງສົ່ງ, ເພື່ອຊາດ, ເພື່ອປະຊາຊົນ ແລະ ຮໍ່າຮຽນເອົາແບບຢ່າງຄຸນສົມບັດ-ສິນທໍາປະຕິວັດອັນຜ່ອງໃສ ກໍຄື ແບບຢ່າງແຫ່ງການດຳລົງຊີວິດ ແລະ ອຸດທິຕົນເພື່ອພາລະກິດຂອງພັກ ຂອງປະທານ ສຸພານຸວົງ ເພື່ອຮັບຮູ້ກ່ຽວກັບຊີວິດ ແລະ ພາລະກິດປະຕິວັດ ກໍຄື ວິລະກຳອັນລ້ຳເລີດ ແລະ ພ້ອມກັນສະແດງຄວາມຮູ້ບຸນຄຸນຕໍ່ຜົນງານ, ຄຸນງາມຄວາມດີອັນໃຫຍ່ຫຼວງໃນພາລະກິດຕໍ່ສູ້ປົດປ່ອຍຊາດ, ເສີມຂະຫຍາຍປົກປັກຮັກສາ ແລະ ສ້າງສາປະເທດຊາດ, ອຸທິຕົນເພື່ອຄວາມຢູ່ດີກິນດີ, ຄວາມຮັ່ງມີຜາສຸກຂອງປະຊາຊົນ ແລະ ຄວາມຮັ່ງມີເຂັ້ມແຂງຂອງປະເທດຊາດ ແລະ ຖືເອົາໂອກາດນີ້ໂຄສະນາສຶກສາອົບຮົມ ແລະ ປຸກລະດົມຂົນຂວາຍສ້າງຂະບວນການໃນທົ່ວພັກ, ທົ່ວລັດ, ທົ່ວກອງທັບ, ທົ່ວປວງຊົນລາວທັງຊາດ ອອກແຮງແຂ່ງຂັນສ້າງຜົນງານ ເພື່ອຈັດຕັ້ງຜັນຂະຫຍາຍມະຕິ XI ຂອງພັກ, ມະຕິ VIII ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງຄົມ ຄັ້ງທີ IX ແລະ ແຜນງົບປະມານແຫ່ງລັດ 05 ປີ ວາງອອກ ກໍຄື ແຜນພັດທະນາເສດຖະກິດ-ສັງຄົມ ຂອງແຂວງ (2021-2025) ໃຫ້ບັນລຸຜົນສຳເລັດ ຕາມຈຸດປະສົງລະດັບຄາດໝາຍທີ່ກຳນົດໄວ້.

ທ້າຍພິທີ ສະຫາຍ ສຸກັນ ບຸນຍົງ ຮອງເລຂາພັກແຂວງ ປະທານແນວລາວສ້າງຊາດແຂວງ ຍັງໄດ້ເໜັ້ນໜັກຕື່ມ ໃຫ້ຄະນະພັກແຕ່ລະຂັ້ນ ຄົ້ນຄວ້າປຶກສາຫາລື ແລະ ວາງແຜນການຈັດຕັ້ງປາຖະກະຖາ ໃຫ້ທົ່ວເຖິງທຸກເປົ້າ  ໝາຍໃນຄວາມຮັບຜິດຊອບຂອງຕົນ, ພ້ອມທັງຮັບປະກັນການຈັດຕັ້ງປະຕິບັດມາດຕະການ, ສະກັດກັ້ນ ແລະ ປ້ອງກັນການລະບາດຂອງພະຍາດ ໂຄວິດ-19 ຢ່າງເຂັ້ມງວດ, ພາຍຫຼັງທີ່ໄດ້ຈັດຕັ້ງການປາຖະກະຖາສໍາເລັດແລ້ວ ໃຫ້ລາຍງານຜົນຂອງການຈັດຕັ້ງປາຖະກະຖາ ໃຫ້ ຄະນະໂຄສະນາອົບຮົມແຂວງຮັບຊາບ ແລະ ທັນເວລາ.

ບັນນາທິການຂ່າວ ຄອຂ ຄຳຫຼ້າ ໄຊຍະວົງ      ຜູ້ຂຽນ ສີປະເສີດ ພົມມະຈັນ         ຖ່າຍພາບ ບຸນມີ ໄຊຍະກຸມມານ

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 27  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

132610
ມື້ນີ້ມື້ນີ້132
ມື້ວານນີ້ມື້ວານນີ້113
ອາທິດນີ້ອາທິດນີ້1067
ເດືອນນີ້ເດືອນນີ້5343
ທັງໝົດທັງໝົດ132610