ຊົມ​ເຊີຍ​ວັນ​ສ້າງ​ຕັ້ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ຄົບ​ຮອບ 44 ປີ ຢ່າ​ງ​ສຸດ​ໃຈ                 

                                                                             

 ນ້ຳ​ໃຈ​ວັນ​ຊາດ​ທີ່ 2 ທັນ​ວາ ໝັ້ນ​ຍືນ                                                                         

ລັດຖະບານລາວໃຫ້ 6 ນະໂຍບາຍພິເສດ ສະໜັບສະໜູນໂຄງການກໍ່ສ້າງເສັ້ນທາງລົດໄຟລາວ-ຈີນ

ຜ່ານມາ ການຂົນສົ່ງຜ່ານແດນດ້ວຍລົດ ຢູ່ພາຍໃນປະເທດເຮົາຈະໃຊ້ເວລາຍາວນານ ແລະຕົ້ນທຶນສູງເຮັດໃຫ້ບໍ່ສາມາດແຂ່ງຂັນກັບບັນດາປະເທດໃກ້ຄຽງໄດ້ ເມື່ອມີໂຄງການສ້າງເສັ້ນທາງລົດໄຟລາວ-ຈີນ ຈິ່ງກາຍເປັນຄວາມຫວັງໃໝ່ ໃນການສ້າງລາວໃຫ້ເປັນປະເທດທາງຜ່ານ ແລະເປີດກວ້າງສູ່ສາກົນຢ່າງແທ້ຈີງ.

ເສັ້ນທາງລົດໄຟ ລາວ-ຈີນ ເປັນໜຶ່ງໃນໂຄງການພາຍໃຕ້ ນະໂຍບາຍຂອງປະເທດຈີນ ໜຶ່ງແລວທາງ ໜຶ່ງເສັ້ນທາງ (One Belt One Road) ເຊິ່ງເປັນການຮ່ວມທືນລະຫວ່າງ 2 ລັດຖະບານ ລາວ-ຈີນ ໃນການກໍ່ສ້າງ ໂດຍມີໄລຍະຍາວທັງໝົດ 414 ກິໂລຕາແມັດ ເລີ່ມແຕ່ ຊາຍແດນບໍ່ເຕັນ ແຂວງຄຸນມິງ, ປະເທດຈີນ ຫາ ນະຄອນຫຼວງວຽງຈັນ, ປະເທດລາວ. ໂຄງການນີ້ ແມ່ນຜ່ານ 5 ແຂວງ ໃນພາກເໜືອ ແລະພາກກາງຂອງປະເທດລາວຄື: ແຂວງຫຼວງນໍ້າທາ, ແຂວງ ອຸດົມໄຊ, ແຂວງ ຫຼວງພະບາງ, ແຂວງ ວຽງຈັນ ແລະ ນະຄອນຫຼວງວຽງຈັນ. ສະເພາະໃນໂຄງການນີ້ ລັດຖະບານທັງສອງຝ່າຍ ໄດ້ມີການວາງນະໂຍບາຍພິເສດຕ່າງໆ ເພື່ອດໍາເນີນກໍ່ສ້າງໂຄງການ ຈາກນະໂຍບາຍເຫັນວ່າ ເປັນໂຄງການໃຫຍ່ລະດັບປະເທດ ໂດຍສະເພາະໃນປະເທດລາວທີ່ເຊື່ອວ່າ ໂຄງການນີ້ ຈະເປັນໂຄງການທີ່ເປີດປະເທດລາວ ໃຫ້ເຊື່ອມໂຍງກັບປະເທດອື່ນໆໃນພາກພື້ນ. ສິ່ງທີ່ສໍາຄັນ ນອກຈາກ ເປັນໂຄງການຍຸດທະສາດຂອງປະເທດແລ້ວ ຝ່າຍລັດຖະບານລາວ ໄດ້ມີການກໍານົດ 06 ນະໂຍບາຍພິເສດ ເພື່ອສະໜັບສະໜູນໂຄງການສ້າງເສັ້ນທາງລົດໄຟ ລາວ-ຈີນ ເຊັ່ນ:  ອະນຸຍາດໃຫ້ບໍລິສັດຮ່ວມທຶນນໍາໃຊ້ທີ່ດິນ ທີ່ເປັນຂອງລັດຈໍານວນ 03 ປະເພດ ໂດຍບໍ່ເສຍຄ່າສໍາປະທານປັນຕົ້ນ: ດິນໃນຂອບເຂດແລວທາງ, ຂອບເຂດສະຖານີ ແລະຂົວຂ້າມນໍ້າຂອງ, ດິນໃນຂອບເຂດສະໝາມກໍ່ສ້າງໃນໄລຍະກໍ່ສ້າງ ແລະທາງຮ່ອມເຂົ້າ-ອອກ ສະໝາມກໍ່ສ້າງ, ດິນໃນຂອບເຂດເຊື່ອມຕໍ່ເຂົ້າຫາສິ່ງອໍານວຍຄວາມສະດວກສາທາລະນຸປະໂພກ ແລະຂອບເຂດເຊື່ອມຕໍ່ ກັບລະບົບເສັ້ນທາງຫຼວງແຫ່ງຊາດ, ເຫັນດີຍົກເວັ້ນອາກອນຕົວເລກທຸລະກິດ ແລະ ອາກອນມູນຄ່າເພີ່ມໃຫ້ບໍລິສັດຮ່ວມທຶນໃນໄລຍະການກໍ່ສ້າງທາງລົດໄຟ; ເຫັນດີຍົກເວັ້ນເກັບຄ່າທໍານຽມຊັບພະຍາກອນຕໍ່ການນໍາໃຊ້ວັດສະດຸກໍ່ສ້າງພາຍໃນປະເທດຄື: ດິນ, ຫີນ, ແຮ່ ແລະ ຊາຍ ໃນໄລຍະກໍ່ສ້າງ; ເຫັນດີຍົກເວັ້ນການເກັບຄ່າພາສີນຳເຂົ້າຂອງພາຫະນະກົນຈັກ, ວັດສະດຸ, ອຸປະກອນກໍ່ສ້າງ,ນໍ້າມັນເຊື້ອໄຟ, ເຄື່ອງອາໄຫຼ່ ແລະ ອຸປະກອນຈໍາເປັນອື່ນໆທີ່ຈະນຳເຂົ້າຈາກຕ່າງປະເທດ; ສ່ວນຄ່າທໍານຽມການພັກເຊົາ ແລະ ເຮັດວຽກຈະເກັບເຄິ່ງຄ່າ 50% ຂອງອັດຕາການເກັບຄ່າທໍານຽມຂໍອະນຸຍາດໃຫ້ຄົນຕ່າງປະເທດ (ຈີນ) ໃນການເຮັດບັດແຮງງານ, ໃບອະນຸຍາດພັກເຊົາ ແລະ ວີຊາເຂົ້າ-ອອກ ແລະເຫັນດີໃຫ້ບໍລິດສັດຮ່ວມທຶນ ພັດທະນາໂຄງການສະໜັບສະໜູນອື່ນໆ ປິ່ນອ້ອມໂຄງການທາງລົດໄຟ ເຊິ່ງລັດຖະບານລາວ ຈະພິຈາລະນາອະນຸມັດ ຕາມລະບຽບກົດໝາຍ ສົ່ງເສີມການລົງທຶນຂອງ ສປປ ລາວ.

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ເບີກູ້ໄພ:       1625

ຈຳນວນຄົນອອນໄລ໌ທ

ມີ ໜຶ່ງ ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

85505
ມື້ນີ້ມື້ນີ້15
ມື້ວານນີ້ມື້ວານນີ້58
ອາທິດນີ້ອາທິດນີ້288
ເດືອນນີ້ເດືອນນີ້744
ທັງໝົດທັງໝົດ85505

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ