ຊົມ​ເຊີຍ​ວັນ​ສ້າງ​ຕັ້ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ຄົບ​ຮອບ 44 ປີ ຢ່າ​ງ​ສຸດ​ໃຈ                 

                                                                             

 ນ້ຳ​ໃຈ​ວັນ​ຊາດ​ທີ່ 2 ທັນ​ວາ ໝັ້ນ​ຍືນ                                                                         

ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 8

 ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 8 ໄຂຂື້ນຢ່າງເປັນທາງການໃນຕອນເຊົ້າມື້ນີ້, ທີ່ຫໍສະພາແຫ່ງຊາດຫລັກ 6 ນະຄອນຫລວງວຽງຈັນ

ພາຍໃຕ້ການເປັນປະທານຂອງທ່ານ ນາງ ປານີ ຢາທໍ່ຕູ້, ປະທານສະພາແຫ່ງຊາດ ໂດຍການເປັນກຽດເຂົ້າຮ່ວມຂອງທ່ານ ບຸນຍັງ ວໍລະຈິດ, ເລຂາທິ ການໃຫ່ຍຄະນະບໍລິຫານງານສູນກາງພັກ ປະທານປະເທດ ພ້ອມດ້ວຍການນຳພັກ ລັດ, ນັກປະຕິວັດອາ ວຸໂສ,ຜູ້ຊົງຄຸນວຸດທິ, ສະມາຊິກສະພາແຫ່ງຊາດ ແລະຜູ້ຕາງໜ້າຈາກພາກສ່ວນຕ່າງໆ.
  ໃນໂອກາດມີຄຳເຫັນໄຂກອງປະຊມຢ່າງເປັນທາງການທ່ານ ນາງ ປານີ ຢາທໍ່ຕູ້, ປະທານສະພາແຫ່ງຊາດ ໄດ້ຍົກໃຫ້ເຫັນສະພາບການພົ້ນເດັ່ນໃນພາກພື້ນແລະສາກົນ ຕະຫລອດໄລຍະ 10 ເດືອນຜ່ານມາປະເທດເຮົາປະເຊີນກັບສີ່ງທ້າທາຍຫລາຍດ້ານ ເປັນຕົ້ນຜົນກະທົບຈາກພະຍາດອະຫິວາໝູອັຟຟິກກາ, ຕັກ ແຕນກິນສາລີ, ພະຍາດໄຂ້ຍຸງລາຍ, ສະພາບນໍ້າຖ້ວມຢູ່ 13 ແຂວງ ຊື່ງສະພາບການດັ່ງກ່າວໄດ້ສົ່ງຜົນກະທົບບໍ່ໜ້ອຍຕໍ່ເສດຖະກິດ ແລະການເງິນຂອງປະເທດ ສ້າງຄວາມເສຍຫາຍຢ່າງຫລວງຫລາຍແກ່ຊີວິດ ແລະຊັບສິນ ແລະການຜະລິດຂອງປະຊາຊົນ, ການຈັດເກັບລາຍຮັບບໍ່ທັນບັນລຸຕາມແຜນ, ເງິນກີບອ່ອນຄ່າ, ລາຄາສິນຄ້າຫລາຍປະເພດເໜັງຕີງສູງຂື້ນ ແຕ່ຍ້ອນຄວາມເອົາໃຈໃສ່ ແລະການຊີ້ນໍາໆພາຂອງພັກ - ລັດຖະບານ ເຮັດໃຫ້ສະພາບຕ່າງໆກັບຄືນສູ່ສະພາບປົກກະຕິ. ກອງປະຊຸມສະພາແຫ່ງຊາດຄັ້ງນີ້ຈະໄດ້ຮັບຟັງການລາຍງານ, ພິຈາລະນາ ແລະຕົກລົງຮັບຮອງເອົາຫລາຍບັນຫາສຳຄັນເປັນຕົ້ນວຽກງານຂອງລັດຖະບານ, ວຽກງານຂອງອົງການກວດສອບແຫ່ງລັດ, ອົງການກວດກາລັດຖະບານ, ອົງການນິຕິ ບັນຍັດ ລວມເຖິງບັນຫາສຳຄັນອີກຈຳນວນໜື່ງ.
ສຽງ: ໂນະ sapa 07.11.01
  ພາຍຫລັງທ່ານ ນາງ ປານີ ຢາທໍ່ຕູ້ ກ່າວສູນທອນພົດໄຂກອງປະຊຸມຢ່າງເປັນທາງການແລ້ວ ກອງປະ ຊຸມໄດ້ຮັບຮອງເອົາການແຕ່ງຕັ້ງທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ຄວບຕຳແໜ່ງເປັນລັດຖະມົນຕີກະຊວງແຜນການ ແລະການລົງທືນ, ທ່ານ ກິແກ້ວ ໄຂຄຳພິທູນ, ເປັນລັດຖະມົນຕີກະ ຊວງຖະແຫລງຂ່າວ, ວັດທະນາທຳແລະທ່ອງທ່ຽວ ຕາມການສະເໜີຂອງນາຍົກລັດຖະມົນຕີດ້ວຍຄະ ແນນສຽງເຫັນດີເປັນສ່ວນຫລາຍ. ກອງປະຊຸມຍັງໄດ້ຮັບຟັງການລາຍງານກ່ຽວກັບການຈັດຕັ້ງປະຕິບັດວຽກງານພົ້ນເດັ່ນປະຈຳປີ 2019 ແລະທິດທາງແຜນວຽກຈຸດສຸມປະຈຳປີ 2020 ຂອງລັດຖະບານ ທີ່ສະເໜີໂດຍທ່ານ ທອງລຸນ ສີສຸລິດ,ນາຍົກລັດຖະມົນຕີ, ບົດລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ການແກ້ໄຂສະພາບຄວາມຫຍຸ້ງຍາກທາງດ້ານເສດຖະ ກິດມະຫາພາກ ແລະຜົນກະທົບຈາກອຸທົກກະໄພ, ແຜນງົບປະມານແຫ່ງລັດ, ແຜນເງິນຕາປະຈຳປີ 2019 ແລະທິດທາງແຜນການປະຈຳປີ 2020 ທີ່ສະເໜີໂດຍທ່ານ ສອນໄຊ ສີພັນດອນ, ຮອງນາຍົກລັດຖະມົນ ຕີ.  ສຳລັບຕອນບ່າຍມື້ນີ້ຕາມວາລະການດຳເນີນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 8 ປະທານອົງການກວດກາລັດຖະບານຈະສະເໜີຜົນການກວດສອບບົດສະຫລຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ 2017 ຂອງອົງການກວດກາລັດຖະບານ.

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ເບີກູ້ໄພ:       1625

ຈຳນວນຄົນອອນໄລ໌ທ

ມີ 4  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

85505
ມື້ນີ້ມື້ນີ້15
ມື້ວານນີ້ມື້ວານນີ້58
ອາທິດນີ້ອາທິດນີ້288
ເດືອນນີ້ເດືອນນີ້744
ທັງໝົດທັງໝົດ85505

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ