ຊົມ​ເຊີຍ​ວັນ​ສ້າງ​ຕັ້ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ຄົບ​ຮອບ 44 ປີ ຢ່າ​ງ​ສຸດ​ໃຈ                 

                                                                             

 ນ້ຳ​ໃຈ​ວັນ​ຊາດ​ທີ່ 2 ທັນ​ວາ ໝັ້ນ​ຍືນ                                                                         

ຄະນະໂຄສະນາອົບຮົມນະຄອນຫຼວງພະບາງ ຈັດອົບຮົມເປົ້າໝາຍຂະຫຍາຍເຂົ້າພັກ

​ໃນ​ຕອນເຊົ້າຂອງວັນ​ທີ 27 ກັນຍາ 2019 ຜ່ານມາ ຢູ່ທີ່ຫ້ອງປະຊຸມຂອງບ້ານນູນສະຫວາດ ໄດ້ຈັດພິທີອົບຮົມຮຽນເອກະສານສະໜັບສະໜູນ ໃຫ້ມະຫາຊົນຜູ້ກ້າວໜ້າເປົ້າໝາຍທີ່ຈະຂະຫຍາຍເຂົ້າພັກ ປະຊາຊົນ ປະຕິວັດລາວ ຊຸດທີ II ປະຈໍາປີ 2019 ຂຶ້ນຢ່າງເປັນທາງການ;

ພາຍ​ໃຕ້​ການ​ເປັນປະທານຂອງ ສະຫາຍ ຄຳໝັ້ນ ແສງສະຫວັດ ຮອງຫົວໜ້າຄະນະໂຄສະນາອົບຮົມນະຄອນຫຼວງພະບາງ ມີບັນດາຄະນະຮັບຜິດຊອບ, ນັກວິທະຍາກອນ ແລະ ນັກສຳມະນາກອນ ທີ່ມາຈາກຮາກຖານພັກ ຫຼື ໜ່ວຍພັກ 05 ພາກສ່ວນຄື: ໜ່ວຍພັກບ້ານພິກໃຫຍ່ 08 ສະຫາຍ, ໜ່ວຍພັກບ້ານຊຽງລ້ອມ 02 ສະຫາຍ, ໜ່ວຍພັກບ້ານນູນສະຫວາດ 01 ສະຫາຍ, ໜ່ວຍພັກໂຮງຮຽນປະຖົມຊຽງລ້ອມ 01 ສະຫາຍ ແລະ ໜ່ວຍພັກໂຮງຮຽນປະຖົມຊຽງມວກ 01 ສະຫາຍ; ​ເຂົ້າ​ອົບຮົມທັງໝົດ 13 ສະຫາຍ, ຍິງ 02 ສະຫາຍ.

          ບົດຮຽນທີ່ນຳໃຊ້ເຂົ້າໃນການອົບຮົມໃນຄັ້ງນີ້ ແມ່ນໄດ້ນໍາໃຊ້ເອກະສານຈາກ ຄະນະໂຄສະນາອົບຮົມສູນກາງພັກ ກຳນົດ, ເຊິ່ງມີ 11 ຄຳຖາມ 11 ຄຳຕອບ.

          ຈຸດປະສົງຂອງການອົບຮົບ ​ແມ່ນເພື່ອເຮັດໃຫ້ມະຫາຊົນຜູ້ກ້າວໜ້າທີ່ຈະຂະຫຍາຍເຂົ້າເປັນສະມາຊິກພັກ ຮັບຮູ້-ເຂົ້າໃຈເບື້ອງຕົນກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ຂອງພັກປະຊາຊົນປະຕິວັດລາວ; ເຂົ້າໃຈກ່ຽວກັບມາດຖານ, ເງື່ອນຜູ້ທີ່ຈະເຂົ້າເປັນສະມາຊິກພັກ ແລະ ຜົນປະໂຫຍດທີ່ສະມາຊິກພັກໄດ້ຮັບ.

          ບົນພື້ນຖານຄວາມຮັບຮູ້-ເຂົ້າໃຈດັ່ງກ່າວ ແມ່ນເພື່ອເຮັດໃຫ້ມະຫາຊົນຜູ້ກ້າວໜ້າ ຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ມີມາດຖານ, ເງື່ອນໄຂຄົບຖ້ວນ ແລະ ມີຄວາມຕື່ນຕົວສະໝັກເຂົ້າເປັນສະມາຊິກພັກປະຊາຊົນປະຕິວັດລາວ ເພື່ອເພີ່ມກຳລັງແຮງສູ້ຮົບໃຫ້ແກ່ພັກນັບມື້ຫຼາຍຂຶ້ນ.

ຕອນທ້າຍພິທີ ມະຫາຊົນຜູ້ກ້າວໜ້າເປົ້າໝາຍຂະຫາຍເຂົ້າພັກປະຊາຊົນປະຕິວັດລາວ ກໍ່ຄື ນັກສຳມະນາກອນແຕ່ລະສະຫາຍແມ່ນໄດ້ຮັບໃບຢັ້ງຢືນການເຂົ້າອົບຮົມ ໃນຊຸດນີ້ໄວ້ເປັນຫຼັກຖານ ແລະ ໄດ້ຮັບຟັງການມີຄໍາເຫັນໂອ້ລົມຂອງ ສະຫາຍ ຄຳໝັ້ນ ແສງສະຫວັດ ຮອງຫົວໜ້າຄະນະໂຄສະນາອົບຮົມນະຄອນຫຼວງພະບາງ, ເຊິ່ງສະຫາຍໄດ້ເນັ້ນໜັກໃຫ້ມະຫາຊົນຜູ້ກ້າວໜ້າເປົ້າໝາຍທີ່ຈະຂະຫຍາຍເຂົ້າພັກ ປະຊາຊົນປະຕິວັດລາວ, ນໍາເອົາບັນດາເນື້ອໃນຈິດໃຈຂອງເອກະສານດັ່ງກ່າວ ໄປຈັດ​ຕັ້ງ​ຜັນ​ຂະຫຍາຍ​ເຂົ້າ​ສູ່​ຊີວິດ​ຕົວ​ຈິງ​ໃນ​ການປະຕິບັດໜ້າທີ່ການເມືອງ-ວິຊາສະເພາະ, ເພື່ອເປັນບ່ອນອີງ​ຝຶກຝົນຫຼໍ່ຫຼອມຕົນເອງໃຫ້ມີທັດສະນະຫຼັກໝັ້ນການເມືອງທີ່ໜັກແໜ້ນ, ມີຄຸນສົມບັດສິນທຳປະຕິວັດ ແລະ  ມີຄວາມຕື່ນຕົວສະໝັກເຂົ້າເປັນສະມາຊິກພັກ ປະຊາຊົນປະຕິວັດລາວ, ເພີ່ມກໍາລັງແຮງສູ້ຮົບໃຫ້ແກ່ພັກນັບມື້ນັບຫຼາຍຂຶ້ນ ເພື່ອໃຫ້ກາຍເປັນສະມາຊິກພັກທີ່ເປັນແບບຢ່າງນໍາໜ້າທີ່ດີໃນຕໍ່ໜ້າ.

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ເບີກູ້ໄພ:       1625

ຈຳນວນຄົນອອນໄລ໌ທ

ມີ 7  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

86765
ມື້ນີ້ມື້ນີ້28
ມື້ວານນີ້ມື້ວານນີ້86
ອາທິດນີ້ອາທິດນີ້327
ເດືອນນີ້ເດືອນນີ້424
ທັງໝົດທັງໝົດ86765

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ