ຊົມ​ເຊີຍ​ວັນ​ສ້າງ​ຕັ້ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ຄົບ​ຮອບ 44 ປີ ຢ່າ​ງ​ສຸດ​ໃຈ                 

                                                                             

 ນ້ຳ​ໃຈ​ວັນ​ຊາດ​ທີ່ 2 ທັນ​ວາ ໝັ້ນ​ຍືນ                                                                         

ໄຂກອງປະຊຸມໃຫຍ່ຜູ່ແທນອົງຄະນະພັກເມືອງນ້ຳບາກ ຄັ້ງທີ IX

ວັນທີ 08 ຕຸລານີ້ ກອງປະຊຸມໃຫຍ່ຜູ່ແທນອົງຄະນະພັກເມືອງນ້ຳບາກ ຄັ້ງທີ IX ໄດ້ໄຂຂຶ້ນຢ່າງເປັນທາງການ ມີ ສະຫາຍ ຄຳຂັນ ຈັນທະວີສຸກ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫຼວງພະບາງ ພ້ອມດ້ວຍຜູ່ແທນກອງປະຊຸມໃຫຍ່ ຈຳນວນ 153 ສະຫາຍ, ຍິງ 08 ສະຫາຍ; ທີ່ເປັນຕົວແທນໃຫ້ສະມາຊິກພັກ 2.356 ສະຫາຍ, ໃນທົ່ວເມືອງ ແລະຜູ່ແທນຮັບເຊີນ ເຂົ້າຮ່ວມ.

ວາລະກອງປະຊຸມ ສະຫາຍ ສົມພອນ ສີອຸດົມພັນ ກຳມະການພັກແຂວງ ເລຂາຄະນະບໍລິຫານງານພັກເມືອງ ໄດ້ຂຶ້ນກ່າວໄຂກອງປະຊຸມ ພ້ອມທັງຜ່ານຮ່າງລາຍງານການເມືອງທັງສອງພາກ ຍົກໃຫ້ເຫັນຜົນງານການປະຕິບັດວຽກງານຮອບດ້ານ ຂອງອົງຄະນະພັກເມືອງ, ໂດຍພື້ນຖານທົ່ວເມືອງຍັງມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ-ຄວາມເປັນລະບຽບຮຽບຮ້ອຍ, ປະກົດການຫຍໍ້ທໍ້ບາງດ້ານມີທ່າອ່ຽງລຸດລົງ, ເສດຖະກິດໄດ້ຮັບການຂະຫຍາຍຕົວຢ່າງຕໍ່ເນື່ອງ ໃນລະດັບ 8,6% ລວມຍອດຜະລິດຕະພັນສັງຄົມພາຍໃນເມືອງ ບັນລຸ 1.264 ຕື້ກວ່າກີບ, ສະເລ່ຍໄດ້ 16 ລ້ານ 7 ແສນກວ່າກີບ ຫຼື ເທົ່າກັບ 1.994 ໂດລ່າສະຫະລັດ ຕໍ່ຄົນຕໍ່ປີ, ທຽບໃສ່ຄາດໝາຍມະຕິກອງປະຊຸມໃຫຍ່ ຄັ້ງທີ VIII ປະຕິບັດໄດ້ 99.7% ຍ້ອນຄະນະພັກ-ອົງການປົກຄອງເມືອງ ໄດ້ຫັນລົງກໍ່ສ້າງຮາກຖານການເມືອງຢ່າງຕັ້ງໜ້າ ຕິດພັນກັບການຍູ້ແຮງການພັດທະນາວຽກງານຮອບດ້ານ, ຕາມທິດ03 ສ້າງ ເຮັດໃຫ້ພື້ນຖານໂຄງລ່າງໄດ້ຮັບການພັດທະນາໃນທຸກດ້ານ ການແກ້ໄຂຄວາມທຸກຍາກຂອງປະຊາຊົນໄດ້ຮັບການຍົກລະດັບດີຂຶ້ນ, ການດຶງດູດການລົງທຶນນັບມື້ກວ້າງຂວາງ ທັງຮັບປະກັນທາງດ້ານປະສິດທິພາບ ແລະປະສິດທິຜົນ, ການຈັກຕັ້ງພັກແຕ່ລະຂັ້ນ ໄດ້ຮັບການປັບປຸງໃຫ້ມີຄວາມໜັກແໜ້ນ, ເຂັ້ມແຂງ ເຄື່ອນໄຫວຕາມກົດລະບຽບຂອງພັກ, 05 ປີຜ່ານມາສ້າງໜ່ວຍພັກໃໝ່ໄດ້ 23 ໜ່ວຍ, ສະມາຊິກພັກເພີ່ມຂຶ້ນ 682 ສະຫາຍ, ລື່ນຄາດໝາຍ 13,7%, ສາມາດສ້າງໜ່ວຍພັກປອດໃສ, ເຂັ້ມແຂງ ແລະໜັກແໜ້ນ ກວມ 72% ຂອງໜ່ວຍພັກທັງໝົດ.

          ຈາກນັ້ນ ສະຫາຍ ຄຳວອນ ແກ້ວລຸນໜູນ ຮອງເລຂາຄະນະບໍລິຫານງານພັກເມືອງ ຮອງເຈົ້າເມືອງ ໄດ້ຂຶ້ນຜ່ານ ແຜນພັດທະນາເສດຖະກິດ-ສັງຄົມຂອງເມືອງ ແຕ່ປີ 2014-2020 ແລະທິດທາງ ແຜນການ 2020-2025, ກອງປະຊຸມຄັ້ງນີ້ ຈະດຳເນີນເປັນເວລາ 02 ວັນຈຶ່ງຈະສຳເລັດ. ໃນນັ້ນຍັງມີການປະກອບຄຳເຫັນຂອງບາງຂົງເຂດວຽກງານ, ຮັບຟັງການຜ່ານບົດສຳຫຼວດການນຳພາ ລວມຂອງຄະນະບໍລິຫານງານພັກເມືອງ ຊຸດທີ VIII ແລະດຳເນີນການປ່ອນບັດເລືອກຕັ້ງເອົາຄະນະບໍລິຫານງານພັກເມືອງ ຊຸດທີ IX ເພື່ອຈະສືບຕໍ່ຊີ້ນຳ-ນຳພາ ການປະຕິບັດມະຕິກອງປະຊຸມ ໃນຕໍ່ໜ້າຕື່ມອີກ. 

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ເບີກູ້ໄພ:       1625

ຈຳນວນຄົນອອນໄລ໌ທ

ມີ 3  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

86759
ມື້ນີ້ມື້ນີ້22
ມື້ວານນີ້ມື້ວານນີ້86
ອາທິດນີ້ອາທິດນີ້321
ເດືອນນີ້ເດືອນນີ້418
ທັງໝົດທັງໝົດ86759

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ