ຊົມ​ເຊີຍ​ວັນ​ສ້າງ​ຕັ້ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ຄົບ​ຮອບ 44 ປີ ຢ່າ​ງ​ສຸດ​ໃຈ                 

                                                                             

 ນ້ຳ​ໃຈ​ວັນ​ຊາດ​ທີ່ 2 ທັນ​ວາ ໝັ້ນ​ຍືນ                                                                         

ສຳເລັດກອງປະຊຸມໃຫຍ່ຜູ່ແທນອົງຄະນະພັກເມືອງນ້ຳບາກ ຄັ້ງທີ IX

ກອງປະຊຸມໃຫຍ່ຜູ້ແທນອົງຄະນະພັກເມືອງນ້ຳບາກ ຄັ້ງທີ IX ໄດ້ດຳເນີນຂຶ້ນໃນລະຫວ່າງ ວັນທີ 08-09 ຕຸລານີ້, ພາຍໃຕ້ຄໍາຂັວນ "ເພີ່ມທະວີຄວາມສາມັກຄີເປັນເອກະພາບ, ຍົກສູງບົດບາດ ແລະ ຄວາມສາມາດນຳພາຂອງອົງຄະນະພັກ, ສ້າງບັນດາປະຖົມປັດໃຈ ເພື່ອເປັນເງື່ອນໄຂ ໃຫ້ເມືອງນໍ້າບາກກ້າວຂື້ນເປັນເມືອງເຂັ້ມແຂງຮອບດ້ານ"

ມີ ສະຫາຍ ຄໍາຂັນ ຈັນທະວີສຸກ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫຼວງພະບາງ ພ້ອມດ້ວຍຜູ່ແທນກອງປະຊຸມໃຫຍ່ ຈຳນວນ 153 ສະຫາຍ, ຍີງ 8 ສະຫາຍ, ມີໜ້ຕົວຈິ່ງ 152 ສະຫາຍ, ຍິງ 8 ສະຫາຍ ທີ່ເປັນຕົວແທນໃຫ້ສະມາຊິກພັກ 2.356 ສະຫາຍ ໃນທົ່ວເມືອງ ແລະຜູ່ແທນຮັບເຊີນເຂົ້າຮ່ວມ, ກອງປະຊຸມຄັງນີ້ ຜູ່ແທນສົມບູນໄດ້ເປັນເອກະສັນກັນຮັບຮອງເອົາບົດລາຍງານການເມືອງທັງ 02 ພາກ, ແຜນພດທະນາເສດຖະກິດ-ສັງຄົມ ຂອງເມືອງ ແຕ່ປີ 2014-2020 ແລະທິດທາງ ແຜນການ 2020-2025, ບົດສໍາຫຼວດ ການນຳພາລວມ ຂອງຄະນະບໍລິຫານງານພັກເມືອງ ຊຸດທີ VIII ຍົກໃຫ້ເຫັນ ດ້ານດີທີ່ຕັ້ງໜ້າ, ດ້ານອ່ອນຂໍ້ຄົງຄ້າງ, ສາເຫດ ແລະ ບົດຮຽນທີ່ຖອດຖອນໄດ້ໃນການຊີ້ນຳ-ນຳພາການຈັດຕັ້ງປະຕິບັດມະຕິກອງປະຊຸມໃຫຍ່ໃນໄລຍະ 05 ປີຜ່ານມາ, ພ້ອມທັງ ດຳເນີນການປ່ອນບັດເລືອກຕັ້ງ ເອົາຄະນະບໍລິຫານງານພັກເມືອງຊຸດໃໝ່ ມີຜູ້ຮັບສະໝັກເລືອກຕັ້ງ 29 ສະຫາຍ ຍີງ 3 ສະຫາຍ ເລືອກເອົາ ສະຫາຍ 25 ສະຫາຍ, ຜ່ານການປ່ອນບັດ ແລະດໍາເນີນກອງປະຊຸມຄັ້ງປະຖົມມະລຶກ ໄດ້ເລືອກເອົາ ສະຫາຍ ສົມຫວັງ ພອນຄຳວົງສາ ເປັນເລຂາຄະນະບໍລິຫານງານພັກເມືອງ, ສະຫາຍ ຫຸມເພັງ ໂພທິທຳ ເປັນຮອງເລຂາ ທັງເປັນປະທານກວດກາພັກ, ສະຫາຍ ຄຳສະໝອນ ເພັດດາລາ ເປັນຮອງເລຂາ.

ໂອກາດນີ້ ສະຫາຍ ຄຳຂັນ ຈັນທະວີສຸກ ໄດ້ມີຄຳເຫັນເນັ້ນໃຫ້ຜູ່ແທນກອງປະຊຸມ ຕ້ອງເຂົ້າໃຈແຈ້ງ, ຮັບຮູ້ແຈ້ງ ແລະມີສະຕິລະວັງຕົວສູງ ແລະເປັນເຈົ້າຕົນເອງປັບປຸງໜ່ວຍພັກ, ປັບປຸງອົງການແນວໂຮມ, ອົງການຈັດຕັ້ງມະຫາຊົນ, ນັບຮົບເກົ່າ, ກອງຫລອນ, ປ້ອງກັນບ້ານໃຫ້ເຂັ້ມແຂງ, ເຮັດໃຫ້ບ້ານ, ຄອບຄົວມີຄວາມສະຫງົບ, ມີຄວາມເປັນລະບຽບຮຽບຮ້ອຍເທົ່ານັ້ນ, ທົ່ວເມືອງຈິ່ງຈະມີຄວາມສະຫງົບ, ມີຄວາມປອດໄພ, ແນວທາງປ້ອງກັນຊາດ - ປ້ອງກັນຄວາມສະຫງົບທົ່ວປວງຊົນຮອບດ້ານ; ສໍາລັບຄະນະພັກເມືອງ, ກອງບັນຊາການ ປກຊ-ປກສ ເມືອງ ແລະບັນດາຂະແໜງການຕ່າງໆ ຕ້ອງມີມາດຕະການສືບຕໍ່ລົງກໍ່ສ້າງຮາກຖານການເມືອງຕາມ 04 ເນື້ອໃນ 04 ຄາດໝາຍ.

          ກອງປະຊຸມໃຫຍ່ຜູ່ແທນ ຄັ້ງທີ  IX  ຂອງອົງຄະນະພັກເມືອງນໍ້າບາກ ໄດ້ເປັນເອກະສັນຮັບຮອງເອົາ ທິດທາງແຜນການໃນ 05 ປີໃນຕໍ່ໜ້າແຕ່ປີ 2020-2025 ໂດຍຈະສູ້ຊົນເຮັດໃຫ້ເມືອງນໍ້າບາກ ມີຄວາມໜັກແໜ້ນທາງດ້ານການເມືອງ, ມີຄວາມສະຫງົບ, ມີຄວາມເປັນລະບຽບຮຽບຮ້ອຍ ທາງດ້ານສັງຄົມບົນພື້ນຖານຕັ້ງໜ້າແກ້ໄຂໜໍ່ແໜງ ກໍ່ໃຫ້ເກີດຄວາມບໍ່ສະຫງົບທີ່ເກີດຂຶ້ນໃນສັງຄົມ ທັງເອົາໃຈໃສ່ປັບປຸງຄຸນນະພາບ ຂອງກໍາລັງປະກອບອາວຸດໃຫ້ນັບມື້ດີຂຶ້ນ. ຮັບປະກັນໃຫ້ເສດຖະກິດ ມີການຂະຫຍາຍຕົວຢ່າງຕໍ່ເນື່ອງໃນລະດັບສະເລ່ຍ 8% ຕໍ່ປີ, ທັງມີຄວາມໝັ້ນທ່ຽງ ແລະຖືກທິດ ດ້ວຍການພັດທະນາດ້ານກະສິກຳ ເປັນສີນຄ້າ ແລະ ຍືນຍົງ, ຖືເອົາການລ້ຽງສັດໃຫຍ່ປະເພດ ປະເພດ ງົວ, ຄວາຍ, ການລ້ຽງ ໝູ, ແບ້, ປາ, ກົບ ແລະ ອຶ່ນໆ ເປັນຕົ້ນຕໍ ໂດຍການຈັດຕັ້ງລ້ຽງເປັນລັອກເປັນກຸ່ມ ຕິດພັນກັບການປູກຫຍ້າອາຫານສັດ, ເອົາການປູກພືດຜັກແບບປະສົມປະສານ, ພືດອຸດສາຫະກຳ, ຕົ້ນໄມ້ອຸດສາຫະກຳເປັນສຳຄັນ ຕິດພັນກັບການຂະຫຍາຍຕາໜ່າງບໍລິການຢ່າງກ້ວາງຂວາງ, ຮອດປີ 2025 ລວມຍອດຜະລິດຕະພັນພາຍໃນໃຫ້ບັນລຸໄດ້ 1,858 ຕື້ກີບ, ລາຍຮັບສະເລ່ຍໃຫ້ໄດ້ 23 ລ້ານ 7 ແສນກ່ວາກີບ ຫຼື ເທົ່າກັບ 2.970 ໂດລາ ຕໍ່ຄົນຕໍ່ປີ ແກ້ໄຂຄອບຄົວທຸກຍາກ (ຕາມດໍາລັດ 348/ລບ) ໃຫ້ໄດ້ຈໍານວນ 1,110 ຄອບຄົວ, ລຶບລ້າງບ້ານທຸກຍາກໃຫ້ໄດ້ 17 ບ້ານ, ຮອດປີ 2025 ສ້າງບ້ານພັດທະນາໃຫ້ກວມເອົາ 75% ຂຶ້ນໄປ ເພື່ອໃຫ້ບັນລຸຄາດໝາຍສູ້ຊົນດັ່ງກ່າວໃນຊຸມປີຕໍ່ໜ້ານີ້: ຕ້ອງສຸມໃສ່ 7 ໂຄງການຕົກເປັນມູນຄ່າ 6,840 ຕື້ກີບ. ຕັ້ງໜ້າພັດທະນາວຽກງານ ວັດທະນາທຳ-ສັງຄົມ ໃຫ້ດີຂຶ້ນ, ລະບົບການເມືອງມີຄວາມໜັກແໜ້ນເຂັ້ມແຂງ, ສ້າງໜ່ວຍພັກປອດໃສ, ເຂັ້ມແຂງ-ໜັກແໜ້ນ 85% ຂອງຈໍານວນໜ່ວຍພັກໃນທົ່ວເມືອງ, ເພີ່ມຄວາມສັກສິດແຫ່ງການຄູ້ມຄອງລັດ, ເຮັດໃຫ້ອົງການແນວລາວສ້າງຊາດ, ສະຫະພັນນັກຮົບເກົ່າ ແລະ ອົງການຈັດຕັ້ງມະຫາຊົນມີຄວາມເຂັ້ມແຂງ ເຄື່ອນໄຫວຕາມພາລະບົດບາດ, ສິດ, ໜ້າທີ່ ຢ່າງມີປະສິດທິຜົນ. ວາລະກອງປະຊຸມຜູ່ແທນສົມບູນ ໄດ້ລົງປະຊາມະຕິຮັບຮອງເອົາມະຕິກອງປະຊຸມໃຫຍ່ ຄັ້ງທີ IX ຂອງຜູ່ແທນອົງຄະນະພັກເມືອງຢ່າງເປັນເອກະສັນ, ພ້ອມນີ້ ປະຊາຊົນບັນດາເຜົ່າພາຍໃນເມືອງ ເຂົ້າອວຍພອນຜົນສຳເລັດກອງປະຊຸມຕື່ມອີກ.

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ເບີກູ້ໄພ:       1625

ຈຳນວນຄົນອອນໄລ໌ທ

ມີ 5  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

85511
ມື້ນີ້ມື້ນີ້21
ມື້ວານນີ້ມື້ວານນີ້58
ອາທິດນີ້ອາທິດນີ້294
ເດືອນນີ້ເດືອນນີ້750
ທັງໝົດທັງໝົດ85511

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ