ຄະນະໂຄສະນາອົບຮົມເມືອງ​ນ້ຳບາກ 2021

ສ້າງຂື້ນເມື່ອ ວັນພະຫັດ, 08 ກໍລະກົດ 2021 02:27
ຂຽນໂດຍ ເພຍ​ເລົ່າ

ຄະນະໂຄສະນາອົບຮົມເມືອງ​ນ້ຳບາກ ເປີດຮຽນເອກະສານໃຫ້ມະຫາຊົນຜູ້ກ້າວໜ້າເປົ້າໝາຍຂະຫຍາຍເຂົ້າພັກປະຊາຊົນ ປະຕິວັດລາວ​ ຊຸດທີ່ VI ປະຈຳປີ 2021.

        ຕົ້ນເດືອນ ກໍລະກົດ 2021 ຜ່ານມານີ້ ຄະນະໂຄສະນາອົບຮົມເມືອງນໍ້າບາກ ໄດ້ເປີດຮຽນເອກະສານສະໜັບສະໜູນອົບຮົມມະຫາຊົນເປົ້າໝາຍຂະຫຍາຍເຂົ້າເປັນສະມາຊິກພັກໃໝ່ຊຸດທີ VI ປະຈໍາປີ 2021 ໃຫ້ແກ່ມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກພັກປະຊາຊົນປະຕິວັດລາວ ຢູ່ທີ່​ຫ້ອງປະຊຸມກຸ່ມພັກ-ພະນັກງານ ໂດຍການເປັນປະທານ ຂອງ ສະຫາຍ ບູນທຽບ ລາດຊະວົງ ຮອງຫົວໜ້າ ຄະນະໂຄສະນາອົບຮົມ. ເຊິ່ງມີມະຫາຊົນຜູ້ກ້າວໜ້າມາຈາກໜ່ວຍພັກພະແນກສັນຕິບານກອງ

ບັນຊາການ ປກສ ເມືອງ , ໜ່ວຍພັກ ບ້ານ ໂພນສະອາດ ແລະ ໜ່ວຍພັກບ້ານ ມ່ວງທອງມີທັງໝົດ 13 ສະຫາຍ, ຍິງ 4 ສະຫາຍ. ສຳລັບບົດຮຽນທີ່ນຳໃຊ້ເຂົ້າໃນການອົບຮົມໃນຄັ້ງນີ້. ແມ່ນໄດ້ນຳໃຊ້ເອກະສານຈາກຄະນະ ໂຄສະນາອົບຮົມສູນກາງພັກກຳນົດໃຫ້, ເຊິ່ງມີ 11 ຄຳຖາມ 11 ຄຳຕອບ

ຈຸດປະສົງຂອງການຝຶກອົບຮົມຄັ້ງນີ້ ເພື່ອໃຫ້ມະຫາຊົນຜູ້ກ້າວໜ້າທີ່ຈະຂະຫຍາຍເຂົ້າເປັນ ສະມາຊິກພັກ ຮັບຮູ້ເບື້ອງຕົ້ນກ່ຽວກັບປະຫວັດຄວາມເປັນມາ, ອຸດົມການ ແລະ ທາດແທ້ ຂອງພັກປະຊາຊົນ ປະຕິວັດລາວ. ເຂົ້າໃຈກ່ຽວກັບມາດຖານ, ເງື່ອນໄຂ ຜູ້ທີ່ຈະເປັນສະມາຊິກພັກ ແລະ ຜົນປະໂຫຍດຂອງສະມາຊິກພັກເພື່ອເຮັດໃຫ້ມະຫາຊົນຜູ້ກ້າວໜ້າແຕ່ລະ ສະຫາຍ ມີຄວາມຮັບຮູ້, ເຂົ້າໃຈເລິກຕື່ມກ່ຽວກັບການກໍ່ສ້າງ ແລະ ຂະຫຍາຍພັກ, ກຳໄດ້ເນື້ອໃນ ພື້ນຖານ ແລະ ຫຼັກການລວມຂອງພັກ,ພ້ອມທັງຮັບຮູ້ສັງເກດຕີລາຄາ ແລະ ວິເຄາະບັນຫາໄດ້ໃນລະດັບໃດ ໜຶ່ງທີ່ແນ່ນອນ.

ຕອນທ້າຍ ມະຫາຊົນຜູ້ກ້າວໜ້າເປົ້າໝາຍຂະຫຍາຍເຂົ້າພັກ ປະຊາຊົນ ປະຕິວັດລາວ ແຕ່ລະສະຫາຍກໍ່ໄດ້ຮັບໃບຢັ້ງຢືນການເຂົ້າຮຽນເອກະສານໄວເພື່ອເປັນລັກຖານ ແລະ ໄດ້ຮັບຟັງການໂອ້ລົມຂອງສະຫາຍ ບຸນທຽບ ລາດສະວົງ ຮອງຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ເມືອງ ເຊິ່ງສະຫາຍໄດ້ເນັ້ນໃຫ້ມະຫາຊົນຜູ້ ກ້າວໜ້າ ເປົ້າໝາຍທີ່ຈະຂະຫຍາຍເຂົ້າ ພັກປະຊາຊົນ ປະຕິວັດລາວ ທີ່ໄດ້ເຂົ້າຮ່ຳຮຽນ ເອກະສານໃນຄັ້ງນີ້; ຈົ່ງນຳເອົາບັນດາເນື້ອໃນເອກະສານດັ່ງກ່າວໄປຝຶກຝົນຫຼໍ່ຫຼອມ ຕົນເອງໃຫ້ມີທັດສະນະຫຼັກໜັ້ນການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີແບບແຜນດຳລົງຊິວິດທີ່ປອດໃສຂາວສະອາດ, ເອົາໃຈໃສ່ ປະຕິບັດວຽກງານຕົວຈິງທີ່ພັກລັດມອບໝາຍໃຫ້ມີຜົນສຳເລັດເພື່ອໃຫ້ກາຍເປັນສະມາຊິກພັກທີ່ເປັນແບບຢ່າງທີ່ດີໃນຕໍ່ໜ້າ