ເມືອງຈອມເພັດຈັດພິທິ ປາຖະກະຖາ

ສ້າງຂື້ນເມື່ອ ວັນພະຫັດ, 10 ທັນວາ 2020 03:54
ຂຽນໂດຍ ພັນ​ທະ​ລີ

ເມືອງຈອມເພັດຈັດພິທິ ປາຖະກະຖາ ວັນຊາດທີ 2 ທັນວາ ຄົບຮອບ 45 ປີ, ວັນຄ້າຍວັນເກີດປະທານໄກສອນ ພົມວິຫານ ຄົບຮອບ 100 ປີ, ລະນຶກວັນສາກົນເພື່ອລຶບລ້າງຄວາມຮຸນແຮງຕໍ່ແມ່ຍິງ

ໃນຕົ້ນເດືອນ ທັນວາ 2000 ນີ້, ທາງເມືອງຈອມເພັດ ໄດ້ຈັດພິທີປາຖະກະຖາ ວັນຊາດທີ່ 2 ທັນວາ ຄົບຮອບ 45 ປີ, ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ, ລະນຶກວັນສາກົນເພື່ອລຶບລ້າງຄວາມຮຸນແຮງຕໍ່ແມ່ຍິງ ແລະ ຜົນສຳເລັດກອງປະຊຸມໃຫຍ່ຄັ້ງທີ VII ຂອງອົງຄະນະພັກແຂວງຫຼວງພະບາງ, ໂດຍພາຍໃຕ້ການເປັນປະທານຂອງ ສະຫາຍ ສາຍສະໜອນ ສາລິວົງ ເລຂາພັກເມືອງ, ເຈົ້າເມືອງຈອມເພັດ, ມີບັນດາ ຄະນະປະຈຳພັກເມືອງ, ກຳມະການພັກເມືອງ,

ພະນັກງານອາວຸໂສບຳນານ, ຫົວໜ້າຫ້ອງການ, ຮອງຫ້ອງການ, ພະນັກງານລັດທະກອນ, ທະຫານ, ຕຳຫຼວດ ແລະ ເລຂາພັກບ້ານອອ້ມຂ້າງເທດສະບານເມືອງ ເຂົ້າຮ່ວມທັງໝົດ 170 ສະຫາຍ, ຍິງ 29 ສະຫາຍ ໃນພິທີ ສະຫາຍ ນາງ ຈັນທອນ ມີລາວັນ ປະທານສະຫະພັນແມ່ຍິງເມືອງ, ໄດ້ໃຫ້ກຽດຂື້ນເຜີຍແຜ່ບົດປາຖະກະຖາ ລະນຶກວັນສາກົນເພື່ອລຶບລ້າງຄວາມຮຸນແຮງຕໍ່ແມ່ຍິງ ສະຫາຍຍົກໃຫ້ເຫັນປະຫວັດຄວາມເປັນມາ ວັນສາກົນເພື່ອລຶບລ້າງຄວາມຮຸນແຮງຕໍ່ແມ່ຍິງ, ສະຫາຍ ນາງ ຈັນດີ ເຢັ່ງວີ ຮອງເລຂາພັກເມືອງ, ປະທານກວດກາພັກ,ເຜີຍແຜ່ຜົນສຳເລັດຂອງ ກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ ຫຼວງພະບາງ, ພ້ອມດຽວກັນນີ້ ສະຫາຍ ບົວພັນ ອຸດົມສິນ ກໍ່ໃກ້ກຽດຂື້ນເຜີຍແຜ່ ບົດປາຖະກະຖາ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ , ສະຫາຍ ໄດ້ຍົກໃຫ້ເຫັນກ່ຽວກັບປະຫວັດການເຄື່ອນໄຫວຂອງປະທານ ໄກສອນ ພົມວິຫານ ແຕ່ລະໄລຍະ, ສະຫາຍ ສາຍສະໜອນ ສາລິວົງ ເລຂາພັກເມືອງ,ເຈົ້າເມືອງຈອມເພັດ ໃຫ້ກຽດຂື້ນເຜີຍແຜ່ ປາຖະກະຖາ ວັນຊາດທີ 2 ທັນວາ ຄົບຮອບ 45 ,ສະຫາຍໄດ້ສະແດງ ແລະ ເຮັດໃຫ້ຮັບຮູ້ເຫດການໃນການນຳພາປະເທດຊາດແຕ່ລະໄລຍະ