​ຊົມ​ເຊີມ​ວັນ​ສ້າງ​ຕັ້ງ​ພັກ ​ປະ​ຊາ​ຊົນ​ປະ​ຕິ​ວັດ​ລາວ ​ຄົບ​ຮອບ 66 ປີ ຢ່າງ​ສຸດ​ໃຈ.

ອອກ​ແຮງ​ແຂ່ງ​ຂັນ​ສ້າງ​ຜົນ​ງານ​ຄຳ​ນັບ​ຮັບ​ຕ້ອນ​ວັນ​ສ້າງ​ຕັ້ງ​ພັກ ຄົບ​ຮອບ 66 ປີ.

ພິທີມອບ-ຮັບໜ້າທີ່ ລະຫວ່າງ​ ຫົວໜ້າຄະນະໂຄສະນາອົບຮົມເມືອງວຽງຄຳ ຜູ້ເກົ່າ ແລະ ຜູ້ໃໝ່

 

     ໃນວັນທີ 3 ກັນຍາ 2021 ນີ້ ຢູ່ທີ່ສະໂມສອນໃຫຍ່ ຂອງເມືອງວຽງຄຳ ໄດ້ຈັດພິທີມອບ-ຮັບໜ້າທີ່ ລະຫວ່າງຫົວໜ້າຄະນະໂຄສະນາອົບຮົມ ຜູ້ເກົ່າ ແລະ ຜູ້ໃໝ່ ຂື້ນ ໂດຍການໃຫ້ກຽດເປັນປະທານຂອງ ສະຫາຍ ຊາຍພອນ ຈັນທຸມມາ ກຳມະການພັກແຂວງ ເລຂາພັກເມືອງ ເຈົ້າເມືອງວຽງຄໍາ ເຂົ້າຮ່ວມມີສະຫາຍຮອງເລຂາພັກເມືອງ, ກໍາມະການປະຈໍາພັກເມືອງ, ກຳມະການພັກເມືອງ, ສະມາຊິກສະພາປະຊາຊົນແຂວງປະຈຳເມືອງ, ຫົວໜ້າຫ້ອງການອ້ອມຂ້າງເມືອງ, ຫົວໜ້າກອງບັນຊາການທະຫານເມືອງ, ຫົວໜ້າ, ກອງບັນຊາການປ້ອງກັນຄວາມສະຫງົບເມືອງ, ຫົວໜ້າຄະນະພັດທະນາກຸ່ມບ້ານ ເຂົ້າຮ່ວມຢ່າງພ້ອມພຽງ.


     ໃນພິທີ ໄດ້ຮັບຟັງການລາຍງານໂດຍຫຍໍ້ ເຖິງສະພາບການຈັດຕັ້ງປະຕິບັດວຽກງານຄວາມຮັບຜິດຊອບຂອງແຕ່ລະທ່ານໃນໄລຍະຜ່ານມາ ໂດຍໄດ້ຍົກໃຫ້ເຫັນເຖິຜົນສຳເລັດ, ດ້ານດີ, ດ້ານອ່ອນ, ຂໍ້ຄົງຄ້າງ, ບາງບົດຮຽນທີ່ຖອດຖອນໄດ້ ແລະ ບາງວຽກງານຈຸດຊຸມທີ່ຈະຕ້ອງສືບຕໍ່ຈັດຕັ້ງ
ປະຕິບັດໃຫ້ໄດ້ຮັບຜົນດີ ພາຍໃຕ້ສະ ພາບການທີ່ມີຄວາມຫຍຸ້ງຍາກ, ສິ່ງທ້າທ້າຍຫຼາຍປະການໂດຍສະເພາະແມ່ນການແຜ່ລະບາດຂອງ ໂຄວິດ 19.


     ຈາກນັ້ນ ສະຫາຍ ວັນໂຈຍ ວາຊົ່ວລີ ຄະນະປະຈໍາພັກເມືອງ ຫົວໜ້າຄະນະຈັດຕັ້ງເມືອງ ກໍ່ໄດ້ ຜ່ານຂໍ້ຕົກລົງ ຂອງທ່ານເຈົ້າເມືອງ ວ່າດ້ວຍການແຕ່ງຕັ້ງ ທ່ານ ນາງ ບຸນເລື່ອມ​ ແກ້ວດວງຈິດ ຫົວໜ້າຄະນະໂຄສະນາອົບຮົມເມືອງ(ຜູ້ເກົ່າ) ໄປເປັນຫົວໜ້າຫ້ອງການພາຍໃນເມືອງ (ຜູ້ໃໝ່) ແລະ ທ່ານ ອຸ່ນເຮືອນ ສຸດທິດາ ຫົວໜ້າຫ້ອງການພາຍໃນເມືອງ(ຜູ້ເກົ່າ) ມາເປັນຫົວໜ້າຄະນະໂຄສະນາອົບຮົມເມືອງ (ຜູ້ໃໝ່) ຈາກນັ້ນກໍ່ໄດ້ເຊັນບົດບັນທຶກມອບ-ຮັບໜ້າທີ່ລະຫວ່າງຫົວໜ້າ ຜູ້ເກົ່າ ແລະ ຜູ້ໃໝ່ ເພື່ອສືບຕໍ່ນຳພາ-ຊີ້ນຳວຽກງານຂອງຕົນໃຫ້ໄດ້ຮັບຜົນດີ ແລະ ຍົກສູງຄວາມຮັບຜິດຊອບໃນໜ້າທີ່ວຽກງານໃຫ້ສູງຂື້ນກວ່າເກົ່າ.
     ໃນຕອນທ້າຍພິທີ ສະຫາຍ ຊາຍພອນ ຈັນທຸມມາ ກໍາມະການພັກແຂວງເລຂາພັກເມືອງ ເຈົ້າເມືອງວຽງຄຳ ກໍໄດ້ໃຫ້ກຽດຂື້ນມີຄໍາເຫັນໂອ້ລົມ ໂດຍທ່ານໄດ້ສະແດງຄວາມເປັນຫ່ວງເປັນໃຫຍ່ຕໍ່ສະພາບແຜ່ລະບາດຂອງພະຍາດໂຄວິດ 19 ພາຍໃຕ້ສະພາບການຫຍຸ້ງຍາດດັ່ງກ່າວ ຄະນະພັກ, ພະນັກງານຜູ້ຮັບຜິດຊອບຢູ່ຂັ້ນບ້ານ ແມ່ນຕ້ອງຍົກສູງຄວາມຮັບຜິດຊອບ, ຄວາມເປັນເຈົ້າການ ແລະ ເຮັດຫຼ້ອນໜ້າທີ່ຂອງຕົນ ແລະ ພ້ອມດຽວກັນນັ້ນບັນດາທ່ານທີ່ຖືກແຕ່ງຕັ້ງ, ຍົກຍາຍໄປຮັບໜ້າທີ່ໃໝ່ນັ້ນ ແມ່ນປະຕິບັດຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ ຈົ່ງສືບຕໍ່ປະຕິບັດໜ້າທີ່ ທີ່ພັກ-ລັດຂັ້ນເທິງມອບໝາຍໃຫ້ໄດ້ຮັບຜົນດີ.

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 40  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

132614
ມື້ນີ້ມື້ນີ້136
ມື້ວານນີ້ມື້ວານນີ້113
ອາທິດນີ້ອາທິດນີ້1071
ເດືອນນີ້ເດືອນນີ້5347
ທັງໝົດທັງໝົດ132614