ອົງການປົກຄອງເມືອງວຽງຄໍາ ປາຖະກະຖາວັນປະກາດເອກະລາດຄົບຮອບ 78 ປີ

ລາຍລະອຽດ

ສ້າງຂື້ນເມື່ອ ວັນຈັນ, 23 ຕຸລາ 2023 07:49

ຂຽນໂດຍ ບຸນມີ ໄຊຍະກຸມມານ

ວັນທີ 19 ຕຸລາ 2023 ນີ້ ທີ່ສະໂມສອນ ຂອງເມືອງວຽງຄໍາ ແຂວງຫຼວງພະບາງ ໄດ້ມີພິທີປາຖະກະຖາ ວັນປະກາດເອກະລາດ ຄົບຮອບ 78 ປີ ໂດຍການເຂົ້າຮ່ວມ ຂອງທ່ານ ທະລາກອນ ບໍລະວົງ ຮອງເລຂາພັກເມືອງ, ມີກໍາມະການປະຈໍາພັກເມືອງ, ຫົວໜ້າ-ຮອງຫົວໜ້າຫ້ອງການ, ກົມກອງ, ລັດວິສາຫະກິດ, ນາຍ ແລະພົນທະຫານ, ນາຍ ແລະ ພົນຕໍາຫຼວດ ຕະຫຼອດຮອດພະນັກງານ-ລັດຖະກອນ ເຂົ້າຮ່ວມຮັບຟັງຢ່າງພ້ອມພຽງ.

ພິທີ ທ່ານ ທະລາກອນ ບໍລະວົງ ຮອງເລຂາພັກເມືອງ ໃຫ້ກຽດປາຖະກະຖາ ເລົ່າມູນເຊຶ້ອປະຫວັດຄວາມເປັນມາ ໃນຕະຫຼອດໄລຍະແຫ່ງການຕໍ່ສູ້ຕ້ານພວກລ່າເມືອງຂຶ້ນ ແລະ ຈັກກະພັດຕ່າງດ້າວ ພາຍໃຕ້ການນໍາພາ-ຊີ້ນໍາ ຂອງພັກ ຈົນໄດ້ຮັບໄຊຊະຊະນະ ແລະ ປະກາດເອກະລາດ ໃນວັນທີ 12 ຕຸລາ ປີ 1945 ໄດ້ເຮັດໃຫ້ຊາວໂລກໄດ້ຮັບຮູ້ກຽ່ວກັບຄວາມເປັນຊາດລາວ, ກໍຄືຮັບຮູ້ອະທິປະໄຕ ເຂດນໍ້າແດນດິນຂອງປະເທດລາວ; ພ້ອມກັນນັ້ນກໍຮັບຮູ້ລັດຖະບານຊົ່ວຄາວຂອງລາວ, ມີອິດສະລະພາບ, ເປັນເຈົ້າຊາຕາກຳຂອງຕົນເອງ, ມີການພັດທະນາຕົນ ເພື່ອຄວາມຢູ່ດີກີນດີ ແລະ ຄວາມຈະເລີນວັດທະນາ. ການປະຖະກະຖາຄັ້ງນີ້ ໄດ້ເຮັດໃຫ້ ພະນັກງານ-ລັດຖະກອນ, ນັກຮົບ ຕະຫຼອດຮອດປະຊາຊົນບັນດາເຜົ່າ ໄດ້ເຂົ້າໃຈ, ກໍາແໜ້ນ, ຮໍ່າຮຽນເອົາແບບຢ່າງທີ່ດີ, ມີນໍ້າໃຈຮັກຊາດ, ທັດສະນະຫຼັກໝັ້ນ, ເສຍສະຫຼະເພື່ອຊາດ ເພື່ອປະຊາຊົນ, ຈັດຕັ້ງຜັນຂະຫຍາຍມູນເຊື້ອອັນດີງາມ ຂອງການຕໍ່ສູ້ຢ່າງພິລະອາດຫານບໍ່ຍອມຈໍານົນ ຂອງນັກຮົບປະຕິວັດ ຕິດພັນກັບການຈັດຕັ້ງປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສ້າງພັດທະນາປະເທດຊາດຕື່ມອີກ.

• ຕໍ່ໄປ >