ເມືອງປາກແຊງສຳເລັດກອງປະຊຸມໃຫຍ່ສະຫະພັນກຳມະບານ ຄັ້ງທີ V

ກອງປະຊຸມໃຫຍ່ຄັ້ງທີ່ V ຜູ້ແທນສະຫະພັນກຳມະບານເມືອງປາກແຊງ ໄດ້ໄຂຂື້ນ ແລະ ອັດລົງດ້ວຍຜົນສຳເລັດອັນຈົບງາມໃນວັນທີ່ 2 ກັນຍາ 2019 ນີ້, ທີ່ສະໂມສອນຂອງເມືອງ, ພາຍ​ໃຕ້​ການ​ເປັນ​ປະ​ທານ​ຮ່ວມ​ຂອງ ສະຫາຍ ທອງສິງ ໄຊຍະສຸກ ຮັກສາການ ເລຂາພັກເມືອງ ເຈົ້າເມືອງປາກແຊງ, ສະຫາຍ ນາງ ອຳພອນ ສີວິໄລສັກ ປະທານສະຫະພັນກຳມະບານແຂວງ, ພ້ອມດ້ວຍຄະນະປະທານ, ແຂກຮັບເຊີນ ແລະ ຜູ້ແທນສົມບູນ ທີ່ເປັນຕົວແທນໃຫ້ແກ່ສະມາຊິກສະຫະພັນກຳມະບານ ໃນທົ່ວເມືອງເຂົ້າຮ່ວມທັງໝົດ 105 ສະຫາຍ,ຍິງ 13 ສະຫາຍ.

          ໃນ​ກອງ​ປະ​ຊຸມ ສະຫາຍ ບຸນມີ ເພັດບັນດິດ ປະທານສະຫະພັນກຳມະບານເມືອງ ໄດ້ຜ່ານບົດລາຍງານການເມືອງ ທັງ 2 ພາກ ແລະ ບົດສຳຫຼວດການນຳພາລວມ ຂອງຄະນະບໍລິຫານງານສະຫະພັນກຳມະບານເມືອງຊຸດທີ່ 4 ຕໍ່ກອງປະຊຸມໃຫ່ຍຄັ້ງທີ່ 5, ເຊິ່ງສະຫາຍກ່າວວ່າ: ໃນໄລຍະ V ປີຜ່ານມາ ຄະນະສະຫະພັນກຳມະບານເມືອງໄດ້ເອົາໃຈໃສ່ ສຶກສາອົບຮົມການເມືອງ-ແນວຄິດເປັນກົກ, ນໍາເອົາແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມະຕິຄຳສັ່ງຕ່າງໆ, ແຜນພັດທະນາເສດຖະກິດ-ສັງຄົມ, ກົດລະບຽບ ແລະ ເນື້ອໃນຂໍ້ແຂ່ງຂັນ 5 ເປັນເຈົ້າ,ລົງເຜີຍແຜ່ ໃຫ້ສະມາຊິກສະຫະພັນກຳມະບານໄດ້ຮັບຮູ້-ເຂົ້າໃຈ, ມາເຖິງປະຈຸບັນມີກຳມະບານຮາກຖານ 11 ຮາກຖານ ແລະ 56 ໜ່ວຍ, ມີຄະນະໜ່ວຍ ແລະ ຮາກຖານ ທັງໝົດ 202 ສະ​ຫາຍ, ຍິງ 59 ສະ​ຫາຍ, ປະກອບມີສະມາຊິກກຳມະບານ 674 ສະ​ຫາຍ, ຍິງ 288 ສະ​ຫາຍ, ມີສະມາຊິກກອງທືນຊ່ວຍເຫຼືອເຊິ່ງກັນ ແລະ ກັນຈຳນວນ 355 ສະ​ຫາຍ, ຍິງ 136 ສະ​ຫາຍ, ມີເງິນກອງທືນທັງໝົດ 66 ລ້ານ 383,000 ກີບ, ປະຕິບັດນະໂຍບາຍຕໍ່ສະມາຊິກເຊັ່ນ: ປະສູດລູກ 30 ສະ​ຫາຍ, ນະໂຍບາຍປິ່ນປົວນອນໂຮງໝໍ 11 ສະ​ຫາຍ, ຜ່າຕັດກາງ 2 ສະ​ຫາຍ, ຜ່າຕັດໃຫ່ຍ 4 ສະ​ຫາຍ, ນະໂຍບາຍຜູ້ທີ່ເສຍຊີວິດ 5 ສະ​ຫາຍ ແລະ ນະໂຍບາຍປິ່ນປົວຍາວນານ 2 ປີ 1 ສະ​ຫາຍ ລວມເປັນເງິນທັງໝົດ 57 ລ້ານ 6 ແສນກີບ, ກອງປະຊຸມຍັງໄດ້ຮັບຟັງແຜນພັດທະນາ ສະຫະພັນກຳມະບານເມືອງປາກແຊງ 5 ປີ 2019-2024, ພ້ອມ​ກັນ​ນັ້ນ​ຜູ້​ແທນກອງ​ປະ​ຊຸມກໍ່​ໄດ້​ປະ​ກອບ​ຄຳ​ເຫັນ​ຢ່າງ​ກົງ​ໄປ​ກົງ​ມາ ຕໍ່ ຄອບຄົວຕົວແບບໃນການປູກຟັງລ້ຽງສັດ ແລະ ບົດສຳຫຼວດການຊີ້ນຳ-ນຳພາລວມ 5 ປີຜ່ນມາ ຂອງຄະນະບໍລິຫານງານສະຫະພັນກຳມະບານເມືອງ, ພ້ອມປະກາດເມືອງກຳມະບານ 5 ເປັນເຈົ້າ, ເປີດຂະບວນການແຂ່ງຂັນ 5 ເປັນເຈົ້າ, ມອບໃບຍ້ອງຍໍກົມກອງທີ່ມີຜົນງານດີເດັ່ນໃນ 5 ປີ ຜ່ານມາ ແລະ ເລືອກຕັ້ງເອົາຄະນະສະຫະພັນບານຊຸດໃໝ່, ໂດຍມີຜູ້ເຂົ້າຮ່ວມສະມັກເລືອກຕັ້ງຈຳນວນ 19 ສະຫາຍ, ເລືອກເອົາ 15 ສະຫາຍ,ເພຶ່ອສຶບຕໍ່ຊີ້ນຳ-ນຳພາວຽກງານກຳມະບານຕໍ່ໄປ ໂດຍ​ເລືອກ​ເອົາ​ ສະຫາຍ ໄດ້ວັນ ວັນນະເດດ ເປັນປະທານ; ສະຫາຍ ນາງ ສົມຈິດວົງມະນີ ເປັນຮອງປະທານ; ສະຫາຍ ຢ່າເຊົ່າຢ່າງ ເປັນຜູ້ກວດກາ, ພ້ອມ​ທັງ​ປ່ອນ​ບັດ​ເລື​ອກ​ເອົາ​ຜູ້​ແທນ​ສົມ​ບູນ ແລະ ສຳ​ຮອງ​ເຂົ້າ​ຮ່ວມກອງ​ປະ​ຊຸມ​ໃຫຍ່​ຜູ້​ແທນ​ສະ​ຫ​ະ​ພັນ​ກຳ​ມະ​ບານ​ແຂວງ​ ຄັ້ງ​ທີ VIII.

          ຕອນທ້າຍຂອງກອງ​ປະ​ຊຸມຍັງໄດ້ຮັບຟັງການມີຄຳເຫັນ ໂອ້ລົມຂອງ ສະຫາຍ ນາງ ອຳພອນ ສີວິໄລສັກ ປະທານສະຫະພັນກຳມະບານແຂວງ ໄດ້​ເນັ້ນ​ໜັກ​ໃຫ້​ສະ​ຫະ​ພັນ​ກຳ​ມະ​ບານ​ເມືອງ​ປາກ​ແຊງ, ສືບ​ຕໍ່​ຮັ​ກສາມູນ​ເຊື້ອ 5 ເປັນ​ເຈົ້າ ຍົກ​ສູງ​ບົດ​ບາດ​ຄວາມ​ສາ​ມາດ​ໃນ​ການ​ນຳ​ພາ, ເພື່ອ​ເຮັດ​ໃຫ້​ກອງ​ປະ​ຊຸມ​ໃຫຍ່​ຜູ້​ແທນ​ສະ​ຫະ​ພັນ​ກຳ​ມະ​ບານ​ເມືອງ​ປາກ​ແຊງ​ໄດ້​ຮັບ​ການ​ຈັດ​ຕັ້ງ​ປະ​ຕິ​ບັດ​ຢ່າງ​ມີ​ຜົນ​ສຳ​ເລັດ.

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ເບີກູ້ໄພ:       1625

ຈຳນວນຄົນອອນໄລ໌ທ

ມີ 11  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

84072
ມື້ນີ້ມື້ນີ້99
ມື້ວານນີ້ມື້ວານນີ້93
ອາທິດນີ້ອາທິດນີ້73
ເດືອນນີ້ເດືອນນີ້564
ທັງໝົດທັງໝົດ84072

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ