ກອງປະຊຸມໃຫຍ່ຜູ້ແທນອົງຄະນະພັກເມືອງວຽງຄຳຄັ້ງທີ່ XII

ກອງປະຊຸມໃຫຍ່ຜູ້ແທນອົງຄະນະພັກເມືອງວຽງຄຳຄັ້ງທີ່ XII

          ກອງປະຊຸມໃຫຍ່ຜູ້ແທນອົງຄະນະພັກເມືອງວຽຄຳ ຄັ້ງທີ່ XII ໄດ້ໄຂຂື້ນໃນວັນທີ 17 ກັນຍາ 2019 ນີ້ ທີ່ສະໂມສອນຂອງເມືອງ ມີ ສະຫາຍ ຄຳຂັນ ຈັນທະວີສຸກ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫຼວງພະບາງ, ພ້ອມດ້ວຍຜູ້ແທນສົມບູນ ແລະຜູ້ແທນຮັບເຊີນເຂົ້າຮ່ວມ.


ພິທີ ສະຫາຍ ຊາຍພອນ ຈັນທຸມມາ ຮັກສາການເລຂາຄະນະບໍລິຫານງານພັກເມືອງ ໄດ້ກ່າວເປີດກອງປະຊຸມ ພ້ອມທັງຜ່ານຮ່າງລາຍງານການເມືອງ ກອງປະຊຸມໃຫຍ່ຜູ້ແທນອົງຄະນະພັກເມືອງວຽຄຳ ຄັ້ງທີ່ XII ໄດ້ໄຂຂື້ນ ພາຍໃຕ້ຄຳຂັວນ ເພີ່ມທະວີຄວາມສາມັກຄີປອງດອງ ແລະຄວາມເປັນເອກະພາບຢ່າງໜັກແໜ້ນ, ເຊີດຊູຄວາມສາມາດນຳພາ ຂອງອົງຄະນະພັກ ຈັດຕັ້ງປະຕິບັດບາດກ້າວບຸກທະລຸ 4 ດ້ານຢ່າງແຂງແຮງ ສ້າງໃຫ້ເມືອງວຽງຄໍາເປັນເມືອງເຂັ້ມແຂງຮອບດ້ານ, ໃນນັ້ນ ສະຫາຍໄດ້ຍົກໃຫ້ເຫັນຜົນງານຂອງການຈັດຕັ້ງປະຕິບັດ ວຽກງານຮອບດ້ານຂອງອົງຄະນະພັກເມືອງ ອັນພົ້ນເດັ່ນ ພະນັກງານສະມາຊິກພັກ ໄດ້ປະກອບສ່ວນຢ່າງຕັ້ງໜ້າ ເຮັດໃຫ້ພາຍໃນເມືອງມີຄວາມສະຫງົບ ຄວາມເປັນລະບຽບຮຽບຮ້ອຍໂດຍພື້ນຖານ ຊີວິດການເປັນຢູ່ຂອງປະຊາຊົນບັນດາເຜົ່າ ໄດ້ຮັບການປັບປຸງດີຂື້ນ ເສດຖະກິດ ໄດ້ຮັບການຂະຫຍາຍຕົວຕໍ່ເນື່ອງ ແລະຖືກທິດ ສະເລ່ຍ 7,30% ຕໍ່ປີ ລວມຍອດຜະລິດຕະພັນພາຍໃນເມືອງ ຫຼື GDP ບັນລຸຫຼາຍກ່ວາ 312 ຕື້ກີບ ສະເລ່ຍໄດ້ 10.188.000 ກີບ ຫຼື 1.157 ໂດລາສະຫະລັດຕໍ່ຄົນຕໍ່ປີ, ທຽບໃສ່ຄາດໝາຍ ປະຕິບັດໄດ້ 76,04%, ການຈັດຕັ້ງພັກແຕ່ລະຂັ້ນ ໄດ້ຮັບການປັບປຸງ ໃຫ້ມີຄວາມປອດໃສ ໜັກແໜ້ນ ເຂັ້ມແຂງ ຕາມກົດລະບຽບຂອງພັກ ປະຈຸບັນມີໜ່ວຍພັກ ປອດໃສ ເຂັ້ມແຂງ ແລະໜັກແໜ້ນ ກວມ 73% ໜ່ວຍພັກເພີ່ມຂື້ນ 8,88%, ຂະຫຍາຍສະມາຊິກພັກໃໝ່ກວມ 21,84% ອອກບັດສະມາຊິກພັກກວມ 74,89%, ຄະນະພັກ-ໜ່ວຍພັກຮາກຖານ ໄດ້ຮັບການປັບປຸງໄປຕາມທິດຄວບຕຳແໜ່ງ.

          ວາລະກອງປະຊຸມ ຈະຜ່ານຮ່າງແຜນພັດທະນາເສດຖະກິດສັງຄົມຂອງເມືອງໃນ 5 ປີຕໍ່ໜ້າ ທັງຈະມີການປະກອບຄຳເຫັນ ຈາກຜູ້ແທນກອງປະຊຸມ, ພ້ອມນີ້ ຄະນະບໍລິຫານງານພັກເມືອງຊຸດເກົ່າ ຈະໄດ້ຜ່ານບົດສໍາຫຼວດການນຳພາລວມ ແລະກ່າວລາໜ້າທີ່ ຈາກນັ້ນ ຈະມີການດຳເນີນການປ່ອນບັດເລືອກຕັ້ງເອົາຄະນະບໍລິຫານງານພັກເມືອງຊຸດທີ່ XII ແລະເລືອກຕັ້ງເອົາຜູ້ແທນສົມບູນ-ສຳຮອງ ໄປຮ່ວມກອງປະຊຸມໃຫຍ່ຜູ້ແທນອົງຄະນະພັກແຂວງຕື່ມອືກ. ກອງປະຊຸຄັ້ງນີ້ ຈະດຳເນີນເປັນເວລາ 2 ວັນຈື່ງສຳເລັດ.

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ເບີກູ້ໄພ:       1625

ຈຳນວນຄົນອອນໄລ໌ທ

ມີ 19  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

84076
ມື້ນີ້ມື້ນີ້103
ມື້ວານນີ້ມື້ວານນີ້93
ອາທິດນີ້ອາທິດນີ້77
ເດືອນນີ້ເດືອນນີ້568
ທັງໝົດທັງໝົດ84076

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ