ຊົມ​ເຊີຍ​ວັນ​ສ້າງ​ຕັ້ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ຄົບ​ຮອບ 44 ປີ ຢ່າ​ງ​ສຸດ​ໃຈ                 

                                                                             

 ນ້ຳ​ໃຈ​ວັນ​ຊາດ​ທີ່ 2 ທັນ​ວາ ໝັ້ນ​ຍືນ                                                                         

ເລືອກຕັ້ງຄະນະບໍລິຫານງານພັກເມືອງວຽງຄຳຊຸດທີ່ XII

       ກອງປະຊຸມໃຫຍ່ຜູ້ແທນອົງຄະນະພັກເມືອງວຽຄຳ ຄັ້ງທີ່ XII ໄດ້ໄຂຂື້ນໃນຕອນເຊົ້າຂອງວັນທີ່ 17 ກັນຍາ ແລະອັດລົງດ້ວຍຜົນສຳເລັດອັນຈົບງາມ ໃນຕອນແລງຂອງວັນທີ່ 18 ກັນຍາ 2019 ນີ້ ທີ່ສະໂມສອນຂອງເມືອງ ມີ ສະຫາຍ ຄຳຂັນ ຈັນທະວີສຸກ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫຼວງພະບາງ, ພ້ອມດ້ວຍຜູ້ແທນສົມບູນ 126 ສະຫາຍ, ຍີງ 6 ສະຫາຍ ທີ່ເປັນຕົວແທນໃຫ້ສະມາຊິກພັກໃນທົ່ວເມືອງທັງໝົດ 1.816 ສະຫາຍ ແລະຜູ້ແທນຮັບເຊີນເຂົາຮ່ວມ.

       ກອງປະຊຸມໃຫຍ່ຜູ້ແທນອົງຄະນະພັກເມືອງວຽຄຳ ຄັ້ງທີ່ XII ໄດ້ດຳເນີນຂື້ນ ພາຍໃຕ້ຄຳຂັວນ ເພີ່ມທະວີຄວາມສາມັກຄີປອງດອງ ແລະຄວາມເປັນເອກະພາບ   ຢ່າງໜັກແໜ້ນ, ເຊີດຊູຄວາມສາມາດນຳພາ ຂອງອົງຄະນະພັກ ຈັດຕັ້ງປະຕິບັດບາດກ້າວບຸກທະລຸ 4 ດ້ານຢ່າງແຂງແຮງ ສ້າງໃຫ້ເມືອງວຽງຄຳເປັນເມືອງເຂັ້ມແຂງຮອບດ້ານ. ວາລະການດຳເນີນກອງປະຊຸມ ຜູ້ແທນສົມບູນໄດ້ຮັບຮອງເອົາບົດລາຍງານການເມືອງທັງສອງພາກ ແລະແຜນພັດທະນາເສດຖະກິດສັງຄົມ ແຕ່ປີ 2014-2019 ແລະທິດທາງ 2020-2025 ທັງກໍານົດວິໄສທັດເພື່ອພັດທະນາເມືອງແຕ່ນີ້ຮອດປີ 2030 ຄື: ສຸມທຸກກຳລັງແຮງ ເພື່ອພັດທະນາເມືອງວຽງຄຳ ຕາມທິດຍືນຍົງ, ສົ່ງເສີມການລ້ຽງສັດໃຫຍ່ ຕິດພັນກັບການປູກຫຍ້າລ້ຽງສັດ ຢ່າງແຂງແຮງ, ໄປຄຽງຄູ່ກັບການຊຸກຍູ້, ສົ່ງເສີມການປູກພືດ, ຕົ້ນໄມ້ກິນໝາກ, ຕົ້ນໄມ້ອຸດສາຫະກໍາ, ການຫັດຖະກໍາເປັນສິນຄ້າ;  ສ້າງອາຊີບທີ່ໝັ້ນທ່ຽງ, ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງປົວແປງດີຂຶ້ນ, ສ້າງພື້ນຖານອັນໜັກແໜ້ນ ເພື່ອກ້າວຂຶ້ນເປັນເມືອງເຂັ້ມ ແຂງຮອບດ້ານ. ສ່ວນຄາດໝາຍສູ້ຊົນ ແຕ່ປີ 2020-2025 ຈະຮັບປະກັນໃຫ້ທົ່ວເມືອງ ມີຄວາມສະຫງົບທາງດ້ານການເມືອງ ແລະ ມີຄວາມເປັນລະບຽບ ຮຽບຮ້ອຍ ທາງສັງຄົມ, ພັດທະນາເສດຖະກິດ ໃຫ້ມີການຂະຫຍາຍຕົວຢ່າງຕໍ່ເນື່ອງ ສະເລ່ຍບໍ່ໃຫ້ຫຼຸດ 7,48% ຕໍ່ປີ, ລວມຍອດຜະລິດຕະພັນພາຍໃນໃຫ້ບັນລຸ 482,07 ຕື້ກີບ, ສະເລ່ຍລາຍຮັບໃສ່ຫົວຄົນໃຫ້ໄດ້ 1.671 ໂດລາ; ສູ້ຊົນເຮັດໃຫ້ ໂຄງປະກອບເສດຖະກິດ ທາງດ້ານການບໍລິການ, ອຸດສາຫະກຳ ເພີ່ມຂຶ້ນ ແລະ ຂະຫຍາຍກະສິກໍາ ໄປຕາມທິດຢືນຢົງ, ຍົກສູງຄຸນນະພາບການສຶກສາໃຫ້ດີຂຶ້ນ, ສູ້ຊົນເຮັດໃຫ້ເດັກໃນເກນອາຍຸ ໄດ້ເຂົ້າຮຽນຕາມຄາດໝາຍ; ພັດທະນາສີມືແຮງງານໃຫ້ດີຂຶ້ນເທື່ອລະກ້າວ; ຍົກສູງຄຸນນະພາບການບໍລິການດ້ານສາທາລະນະສຸກ ເຮັດໃຫ້ອາຍຸຍືນສະເລ່ຍ ຂອງປະຊາຊົນເພີ່ມຂຶ້ນ; ປົກປັກຮັກສາມູນເຊື້ອວັດທະ ນະທໍາ ຮີດຄອງປະເພນີອັນດີງານ ຂອງປະຊາຊົນບັນດາເຜົ່າໃຫ້ຍືນຍົງ; ປະຕິບັດນະໂຍບາຍດ້ານສະຫວັດດີການສັງຄົມໃຫ້ຖືກຕ້ອງ, ສອດຄ່ອງ ຕາມລະບຽບກົດໝາຍ, ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃຫ້ມີຄຸນນະພາບກວມ 85% ຂຶ້ນໄປ; ປັບປຸງອົງການປົກຄອງບ້ານ, ບັນດາຂະແໜງການອ້ອມຂ້າງເມືອງ ໃຫ້ມີຄວາມໜັກແໜ້ນເຂັ້ມແຂງ, ກະທັດຮັດ ແລະ ມີປະສິດທິຜົນ; ຊຸກຍູ້ອົງການແນວລາວສ້າງຊາດ, ອົງການຈັດຕັ້ງມະຫາຊົນ, ສະ ຫະພັນນັກລົບເກົ່າ ປະຕິບັດພາລະບົດບາດ ຂອງຕົນໃຫ້ເຂັ້ມແຂງກວ່າເກົ່າ, ພ້ອມນີ້ ໄດ້ປ່ອນບັດເລືອກຕັ້ງເອົາຄະນະບໍລິຫານງານພັກເມືອງຊຸດໃໝ່ ຈຳນວນ 25 ສະຫາຍ ຍີງ 4 ສະຫາຍ, ໃນນັ້ນ ເລືອກເອົາຄະນະປະຈຳພັກເມືອງ 7 ສະຫາຍ, ໂດຍເລືອກເອົາ ສະຫາຍ ຊາຍພອນ ຈັນທຸມມາ ເປັນເລຂາຄະນະບໍລິຫານງານພັກເມືອງ, ສະຫາຍ  ທະລາກອນ ບໍລະວົງ, ສະຫາຍ  ສອນສັກ ສຸລິເສີມ ເປັນຮອງເລຂາຄະນະບໍລິຫານງານພັກເມືອງ, ເລືອກເອົາ ສະຫາຍ ສອນສັກ ສຸລິເສີມ ເປັນປະທານກວດກາພັກເມືອງ, ສະຫາຍ ສີພັນ ໄຊຍະຈັກ, ສະຫາຍ ຄໍາເກີດ ແພງສະຫວັນ ເປັນຮອງປະທານກວດກາພັກເມືອງ. ພ້ອມທັງໄດ້ປ່ອນບັດເລືອກເອົາຜູ້ແທນສົມບູນ ແລະສຳຮອງ ເຂົ້າຮ່ວມກອງປະຊຸມໃຫຍ່ ຜູ້ແທນອົງຄະນະພັກແຂວງຫຼວງພະບາງຄັ້ງທີ່ VIII ຕື່ມອີກ. ຕອນທ້າຍກອງປະຊຸມ ຂອງ ສະຫາຍ ຄໍາຂັນ ຈັນທະວີສຸກ ກໍາມະການສູນກາງພັກ, ເລຂາຄະນະບໍລິຫານງານພັກແຂວງຫຼວງພະບາງ ໄດ້ເນັ້ນໃຫ້ຄະນະບໍລິຫານງານພັກເມືອງຊຸດໃໝ່ ສືບຕໍ່ກໍ່ສ້າງຮາກຖານການເມືອງຢ່າງຮອບດ້ານຕາມ 4 ເນື້ອໃນ 4 ຄາດໝາຍ, ຍົກສູງບົດບາດ, ຄວາມສາມາດການນໍາພາຂອງຄະນະພັກ, ຂອງໜ່ວຍພັກຮາກຖານບ້ານ, ຍົກສູງບົດບາດ, ຄວາມສາມາດຂອງກໍາລັງກອງຫລອນ-ປ້ອງກັນ ເພື່ອຮັບປະກັນໃຫ້ບ້ານ, ຄອບຄົວ, ມີຄວາມສະຫງົບ, ມີຄວາມເປັນລະບຽບຮຽບຮ້ອຍ, ມີຄວາມສະຫງົບ, ປອດໄພ, ສ້າງພື້ນຖານເສດຖະກິດໃຫ້ໜັກແໜ້ນ ຕາມທິດຍືນຍົງ ແລະດີຂື້ນເປັນກ້າວໆ.

 ເພື່ອເຮັດໃຫ້ມະຕິກອງປະຊຸມໃຫຍ່ຜູ້ແທນອົງຄະນະພັກເມືອງວຽຄຳ ຄັ້ງທີ່ XII ໄດ້ຮັບການຈັດຕັ້ງປະຕິບັດຢ່າງມີຜົນສຳເລັດ ຜູ້ແທນກອງປະຊຸມໄດ້ເປັນເອກະສັນ ຮັບຮອງເອົາມະຕິກອງປະຊຸມດ້ວຍການລົງມະຕິຮັບຮອງຢ່າງເປັນເອກະສັນ, ພ້ອມນີ້ ໄດ້ມີກ້ອນກຳລັງຂອງປະຊາຊົນບັນດາເຜົ່າ ເຂົ້າອວຍພອນຜົນສຳເລັດກອງປະຊຸມ ຕື່ມອີກ.

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ເບີກູ້ໄພ:       1625

ຈຳນວນຄົນອອນໄລ໌ທ

ມີ 3  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

85506
ມື້ນີ້ມື້ນີ້16
ມື້ວານນີ້ມື້ວານນີ້58
ອາທິດນີ້ອາທິດນີ້289
ເດືອນນີ້ເດືອນນີ້745
ທັງໝົດທັງໝົດ85506

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ