ເມືອງໂພນໄຊ ແຂວງຫຼວງພະບາງ ເປີດກອງປະຊຸມເຜີຍແຜ່ເອກະສານວຽກງານການເມືອງ-ແນວຄິດ ໃນໄລຍະໃໝ່.

ລາຍລະອຽດ

ສ້າງຂື້ນເມື່ອ ວັນຈັນ, 02 ຕຸລາ 2017 02:59

ເມືອງໂພນໄຊ ແຂວງຫຼວງພະບາງ ເປີດກອງປະຊຸມເຜີຍແຜ່ເອກະສານວຽກງານການເມືອງ-ແນວຄິດ ໃນໄລຍະໃໝ່. 

  ໃນວັນທີ 25 ພຶດສະພາ 2016 ຜ່ານມາ, ເມືອງໂພນໄຊ ແຂວງຫຼວງພະບາງ ໄດ້ເປີດກອງປະຊຸມເຜີຍແຜ່ເອກະສານວຽກງານການເມືອງ

-ແນວຄິດ ໃນໄລຍະໃໝ່, ໃຫ້ກຽດເຂົ້າຮ່ວມ ແລະ ບັນຍາຍເອກະສານໂດຍ ທ່ານ ສິງຕັນ ໄຊລືຊົ່ງ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ, ເຂົ້າຮ່ວມມີຄະນະປະຈຳພັກເມືອງ,​ ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ສະມາຊິກພັກ, ພະນັກງານ ທະຫານ, ຕໍາຫຼວດ ຈຳນວນ 51 ທ່ານ.

     ກອງປະຊຸມຄັ້ງນີ້ ທ່ານ ອອ່ນສີ ຈ່າເພຍວ່າ ຮອງເລຂາພັກເມືອງ, ຮອງເຈົ້າເມືອງໆໂພນໄຊ ໄດ້ໃຫ້ກຽດຂື້ນລາຍງານສະພາບພາຍໃນເມືອງໂພນໄຊ ຕໍ່ກອງປະຊຸມ. ທ່ານໄດ້ກ່າວວ່າ: ໃນໄລຍະຜ່ານມາ ແມ່ນຄະນະພັກແຕ່ລະຂັ້ນຂອງເມືອງ ໄດ້ຖືເອົາວຽກງານການເມືອງ-ແນວຄິດ ເປັນວຽກທີ່ສໍາຄັນ ແລະ ຕິດພັນກັບແຕ່ລະຂົງເຂດວຽກງານ.

     ໃນພິທີ ທ່ານ ສິງຕັນ ໄຊລືຊົ່ງ ໄດ້ໃຫ້ກຽດຂື້ນບັນຍາຍເອກະສານ ເຊິ່ງເນື້ອໃນເອກະສານມີຄື: ເອກະສານເຮັດວຽກງານເມືອງ-ແນວຄິດໃນໄລຍະໃໝ່, ເອກະສານອົບຮົມປະຊາຊົນຢູ່ຮາກຖານ ແລະ ປະຊາຊົນຢູ່ລຽບຕາມຊາຍແດນ ທ່ານ ຍັງໄດ້ເວົ້າຕື່ມອີກວ່າ: ການເຮັດວຽກງານການເມືອງ-ແນວຄິດ ແມ່ນຄວາມຮັບຜິດຊອບຂອງຄະນະພັກແຕ່ລະຂັ້ນ, ຕ້ອງເຮັດເປັນປະຈຳ, ສອດຫ້ອຍໄປໃນທຸກຂົງເຂດວຽກງານ. ຕ້ອງໄດ້ສຶກສາອົບຮົມການເມືອງ-ແນວຄິດໃຫ້ພະນັກງານ, ສະມາຊິກພັກ, ທະຫານຕຳຫຼວດ ແລະ ຕະຫຼອດຮອດພໍ່ແມ່ປະຊາຊົນ ໄດ້ຮູ້ແຈ້ງ, ເຂົ້າໃຈເລີກຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ຕ້ານກົນອຸບາຍຂອງພວກຄົນບໍ່ດີທີສວຍໂອກາດ ກໍ່ຄວາມບໍ່ສະຫງົບຢູ່ບາງທ້ອງຖິ່ນ, ຕ້ອງມີສະຕິລະວັງຕົວຕໍ່ພວກອິດທິກຳລັງປໍລະປັກ ທັງພາຍໃນ ແລະ ພາຍນອກ.

     ໃນຕອນທ້າຍ ທ່ານ ສິງຕັນ ໄຊລືຊົ່ງ ທ່ານຍັງໄດ້ເໜັ້ນ ໃຫ້ຄະນະພັກແຕ່ລະຂັ້ນຕ້ອງເອົາໃຈໃສ່ຕື່ມ ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານການພັດທະນາເສດຖະກິດ-ສັງຄົມ ໃຫ້ໄດ້ຕາມຄາດໝາຍຂອງອົງຄະນະພັກເມືອງໄດ້ວາງອອກ.

• < ຕໍ່ໄປ
• ຕໍ່ໄປ >