ຝືກອົບຮົມໃຫ້ສະມາຊິກພັກໃໝ່ ຊຸດທີ VII ປະ​ຈຳ​ປີ 202

ລາຍລະອຽດ

ສ້າງຂື້ນເມື່ອ ວັນພະຫັດ, 10 ທັນວາ 2020 04:00

ຂຽນໂດຍ ບຸນມີ ໄຊຍະກຸມມານ

ຄະນະໂຄສະນາອົບຮົມແຂວງ

ຈັດພິທີ ຝືກອົບຮົມໃຫ້ສະມາຊິກພັກໃໝ່ ຊຸດທີ VII ປະ​ຈຳ​ປີ 2020

ໃນທ້າຍ​ເດືອນ ພະ​ຈິກ ຜ່ານມານີ້; ຄະນະໂຄສະນາອົບຮົມແຂວງ ໄດ້ຈັດຊຸດອົບຮົມໃຫ້ ແກ່ສະມາຊິກພັກໃໝ່ ຊຸດ​ທີ່ VII ປະ​ຈຳ​ປີ 2020 ຢູ່ທີ່ຫ້ອງປະຊຸມ ຄະນະໂຄສະນາອົບຮົມແຂວງ, ມີວິທະຍາກອນ ແລະ ສຳມະນາກອນມາຈາກຮາກຖານພັກ; ​ພະ​ແນກ​ໂຍ​ທາ​ທິ​ການ ແລະ ກິກ​ລາ​ແຂວງ, ພະ​ແນກ​ກະ​ສິ​ກຳ ແລະ ປ່າ​ໄມ້​ແຂວງ ແລະ ລັດ​ວິ​ສາ​ຫະ​ກິດ​ນ້ຳ​ປະ​ປາ ເຂົ້າຮ່ວມທັງໝົດ  26  ສະຫາຍ, ຍິງ  11  ສະຫາຍ.

        ໃນພິທີ ບັນດາສະຫາຍສະມາຊິກພັກໃໝ່ໄດ້ຮັບຟັງການບັນຍາຍເອກະສານໂດຍສະຫາຍ ສົມມາ​ລິ ຄຳ​ເກັ່ງ ກຳ​ມະ​ການ​ພັກ​ແຂວງ ຮອງ​ເລ​ຂາ​ໜ່ວຍ​ພັກ, ຮອງ​ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ, ສະຫາຍ ບຸນຈັນ ກັນຍາວົງ ຫົວໜ້າບໍລິຫານ ແລະ ຈັດຕັ້ງ. ເອກະສານທີ່ບັນລະຍາຍປະກອບດ້ວຍ: (ຄວາມຮູ້ພື້ນຖານກ່ຽວກັບລັດທິມາກ-ເລນິນ), (ວຽກງານກໍ່ສ້າງ ແລະ ປັບປຸງພັກ), (ຄຸນທາດການເມືອງ, ຄຸນສົມບັດສິນທຳປະຕິວັດຂອງສະມາຊິກພັກ), (ເຊີດຊູຄວາມເປັນແບບຢ່າງ ຂອງສະມາຊິກພັກ), (ແກ້ໄຂພະຍາດອາດຍາສິດ, ສະກັດກັ້ນການຕ້ານການສໍ້ລາດບັງຫຼວງ).

        ການອົບຮົມໃນຄັ້ງນີ້ແມ່ນນຳໃຊ້ເອກະສານສະເພາະກ່ຽວກັບ ສະມາຊິກພັກໃໝ່ເນື້ອໃນ ຂອງເອກະສານແມ່ນແນໃສ່ຍົກລະດັບຄວາມຮັບຮູ້-ຄວາມເຂົ້າໃຈກ່ຽວກັບມະຕິກອງປະຊຸມໃຫຍ່ ຄັ້ງທີ່ X ຂອງພັກປະຊາຊົນປະຕິວັດລາວ, ມະຕິກອງປະຊຸມໃຫຍ່ຄັ້ງທີ່ VII ຂອງອົງຄະນະພັກ ແຂວງ; ໂດຍສະເພາະແມ່ນຄວາມຮູ້ກ່ຽວກັບລັດທິມາກ-ເລນິນ, ວຽກກໍ່ສ້າງປັບປຸງພັກ ແລະ ການແກ້ ໄຂພະຍາດຕ່າງໆພາຍໃນພັກ.

        ໃນຕອນທ້າຍພິທີໄດ້ຮັບຟັງຄຳເຫັນໂອ້ລົມຂອງສະຫາຍ ຄຳຫຼ້າ ລຽນ​ປະ​ດິດ ຄະ​ນະ​ປະ​ຈຳ​ພັກ​ແຂວງ ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ ເພື່ອເປັນເຂັມຊີ້ທິດເຍືອງທາງໃຫ້ສຳມະນາກອນຍຶດໝັ້ນທິດສະດີມາກ-ເລນິນ ແນວຄິດປະທານ ໄກສອນ ພົມວິຫານ ແລະ ມູນເຊື້ອອັນດີງາມ ຂອງພັກ, ແບບແຜນການດຳລົງຊີວິດ ແລະ ເຮັດວຽກລວມສູນປະຊາທິປະໄຕ; ຈັດຕັ້ງປະຕິບັດແນວທາງນະໂຍບາຍຂອງພັກ; ຜັນຂະຫຍາຍເນື້ອໃນຈິດໃຈດັ່ງກ່າວໃຫ້ກວ້າງຂວາງ ເລິກເຊິ່ງ ແທດເໝາະກັບສະພາບຄວາມເປັນຈິງ ກໍ່ສ້າງພັກໃຫ້ປອດໃສ, ເຂັ້ມແຂງ, ມີຄວາມສາມັກຄີໜັກແໜ້ນ ໂດຍຍຶດໝັ້ນໃນລັກການ ຂອບເຂດປ່ຽນແປງໃໝ່ ຮອບດ້ານ.

• < ຕໍ່ໄປ
• ຕໍ່ໄປ >