ພິທິປິດຊຸດຝຶກອົບຮົມວຽກງານສັງລວມ-ຫາງສຽງສັງຄົມ

ລາຍລະອຽດ

ສ້າງຂື້ນເມື່ອ ວັນຈັນ, 28 ທັນວາ 2020 07:29

ຂຽນໂດຍ ບຸນມີ ໄຊຍະກຸມມານ

ພິທິປິດຊຸດຝຶກອົບຮົມວຽກງານສັງລວມ-ຫາງສຽງສັງຄົມ ຂອງຄະນະໂຄສະນາອົບຮົມເມືອງໂພນໄຊ ຊຸດທີ 1  

ໃນຕອນເຊົ້າຂອງວັນທີ່ 24 ທັນວາ 2020 ຢູ່ຫໍປະຊຸມໃຫ່ຍຂອງເມືອງໂພນໄຊ ໄດ້ຈັດພິທີປິດຊຸດຝຶກອົບຮົມວຽກງານສັງລວມ-ຫາງສຽງສັງຄົມ ຂອງຄະນະໂຄສະນາອົບຮົມ ເມືອງໂພນໄຊ ຊຸດທີ 1 ຂື້ນຢ່າງເປັນທາງການ, ໂດຍເປັນປະທານ ຂອງສະຫາຍ ມອນໄຊ ລາວມົວຊົ່ງ ຄະນະປະຈໍາພັກແຂວງຫົວໜ້າຄະນະໂຄສະນາອົບຮົມແຂວງຫຼວງພະບາງ, ສະຫາຍ  ທອງຈັນ ລັດຕະນະປະດິດ ກໍາມະການພັກແຂວງເລຂາພັກເມືອງເຈົ້າເມືອງໂພນໄຊ ແລະ ສະຫາຍ ນາງ ແສງຕານ ແກ້ວອີນດາປິງ ຫົວໜ້າກົມຄົ້ນຄ້ວາສັງລວມ ​ຄະ​ນະໂຄສະນາອົບຮົມ ສູນກາງພັກ ເຂົ້າຮ່ວມມີຄູຝືກຈາກຄະນະໂຄສະນາອົບຮົມສູນກາງ ແລະ ແຂວງ,ມີຫົວໜ້າຫ້ອງການ,ຮອງຫ້ອງການຕະຫຼອດຮອດນັກສໍາມະນາກອນ 35 ທ່ານ,ຍິງ 2 ທ່ານ.

 ເຊິງຢູ່ໃນພິທີດັ່ງກ່າວ ສະຫາຍ ສົມເກດ ອໍາພອນສຸກ ຕ່າງໜ້າໃຫ້ແກ່ນັກສໍາມະນາກອນ ເປັນກຽດຂື້ນຜ່ານບົດລາຍງານຫຍໍ້ໃນການຈັດຕັ້ງປະຕິບັດໃນໄລຍະ3 ວັນເຕັມ ມັນສະແດງໃຫ້ເຫັນວ່ານັກສໍາມະນາກອນແຕ່ລະທ່ານໄດ້ເອົາໃຈໃສ່ຕໍ່ການຄົ້ນຄວ້າບົດຮຽນທີ່ຄູຝືກໄດ້ຂື້ນບັນລະຍາຍບົດຮຽນແຕ່ລະບົດຢ່າງຕັ້ງໜ້າ ແລະ ແລກປ່ຽນຄໍາຄິດຄໍາເຫັນຢ່າງເປັນຂະບວນຟົດຟື້ນສາມາດຖອນຖອດເອົາບົດຮຽນ,ທິດສະດີມາສົມທຽບກັບພຶດຕິກໍາຕົວຈິງມີຄວາມຮັບຮູ້ເຂົ້າໃຈບົດຮຽນ ແລະ ສາມາດທີ່ຈະນໍາເອົາບົດຮຽນໄປໜູນໃຊ້ເຂົ້າໃນວຽກງານຕົວຈີງ ເຊິ່ງສາມາດຕີລາຄາຄວາມຮັບຮູ້ຂອງນັກສໍາມະນາກອນໄດ້ 95 ສ່ວນຮ້ອຍຂອງບົດຮຽນທີ່ນໍາມາສອນໃນຄັ້ງນີ້ທັງໜົດມີ 4 ບົດຄື ບັນຫາພື້ນຖານກ່ຽວກັບວຽກງານຫາງສຽງສັງຄົມ,ວີທີເກັບກໍາ ແລະ ການນໍາໃຊ້ຫາງສຽງສັງຄົມເຂົ້າໃນວຽກງານການເມືອງ-ແນວຄິດ,ຕາໜ່າງເພື່ອນຮ່ວມງານ ແລະ ວຽກງານຄົ້ນຄວ້າ-ສັງລວມໂດຍສະເພາະແມ່ນຫຼັກການ ແລະ ທິດນໍາໃນການເຮັດວຽກງານຫາງສຽງສັງຄົມທີ່ມີຄວາມໜາຍຄວາມສໍາຄັນເຮັດວຽກງານເກັບກໍາຫາງສຽງສັງຄົມ,ມາດຖານ ແລະ ຄຸນທາດຂອງຜູ້ເຮັດວຽກເກັບກໍາຫາງສຽງຂອງສັງຄົມຕໍ່ກັບວຽກງານການເມືອງ-ແນວຄິດ ແລະ ສາມາດເປັນເສນາທິການຊ່ວຍຄະນະພັກ,ຄະນະນໍາໃນການຕິດຕາມເກັບກໍາຫາງສຽງສັງຄົມ ແລະ ນໍາພາແນວຄິດຂອງພະນັກງານ,ສະມາຊິກພັກ ແລະ ປະຊາຊົນບັນດາເຜົ່າ ໃຫ້ມີຄວາມເຊື່ອໜັ້ນຕໍ່ການນໍາພາຂອງພັກຢ່າງຕາຍໃຈ ມີຄວາມສໍາຄັນຕໍ່ການນໍາພາ,ການຄຸ້ມຄອງ ແລະ ການຕັດສີນບັນຫາຕ່າງໆຂອງຄະນະພັກ-ຄະນະນໍາ ໃນຂະບວນວິວັດຂອງການນໍາພາ ການອອກມະຕິຂອງຄະນະພັກ-ຄະນະນໍາຂັ້ນຕ່າງໆໃຫ້ຖືກຕ້ອງຄວາມເປັນຈິງ ໄດ້ຮັບການສະໜັບສະໜູນຈາກປະຊາຊົນບັນດາເຜົ່າ ຕ້ອງເອົາໃຈໃສ່ໃນການການຕິດຕາມ,ເກັບກໍາສະພາບແນວຄິດ,ຈິດຕະສາດ,ຄວາມຄິດເຫັນ,ຄວາມຮຽກຮ້ອງຕ້ອງການບັນດາຊັ້ນຄົນຢູ່ໃນສັງຄົມ ພ້ອມກັນນັ້ນຄະນະປະທານເປັນກຽດຂື້ນມອບໃບຢັ້ງຢືນໃຫ້ແກ່ນັກສໍາມະກອນທີ່ສໍາເລັດຝືກອົບຮົມໃນຄັ້ງນີ້ ຂື້ນຮັບເອົາໂດຍແມ່ນນັກສໍາມະກອນແຕ່ລະທ່ານ ຢ່າງສົມກຽດ!

• < ຕໍ່ໄປ
• ຕໍ່ໄປ >