ຊົມ​ເຊີຍ​ວັນ​ສ້າງ​ຕັ້ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ຄົບ​ຮອບ 44 ປີ ຢ່າ​ງ​ສຸດ​ໃຈ                 

                                                                             

 ນ້ຳ​ໃຈ​ວັນ​ຊາດ​ທີ່ 2 ທັນ​ວາ ໝັ້ນ​ຍືນ                                                                         

  • ປະຊາຊົນ ທີ່ຖືກຜົນກະທົບຈາກການກໍ່ສ້າ
  • ເຈົ້າແຂວງຫຼວງພະບາງລົງຊີ້ນຳການດຳເນ
  • ສະພາແຫ່ງຊາດ ລົງຄະແນນສຽງຮັບຮອງເອົາ
 

ປະຊາຊົນ ທີ່ຖືກຜົນກະທົບຈາກການກໍ່ສ້າງເສັ້ນທາງລົດໄຟລາວ-ຈີນ ໄດ້ຮັບການສຶກສາອົບຮົມການເມືອງ-ແນວຄິດ

ວັນທີ 15 ພະຈິກ ຜ່ານມາ ນີ້ ທິມງານໂຄສະນາອົບຮົມການເມືອງແນວຄິດ ຕໍ່ປະຊາຊົນທີ່ຖືກຜົນກະທົບ ໂຄງການ...
 

ເຈົ້າແຂວງຫຼວງພະບາງລົງຊີ້ນຳການດຳເນີນກອງປະຊຸມໃຫຍ່ຜູ້ແທນອົງຄະພັກເມືອງປາກແຊງ

ວັນທີ 11 ພະຈິກນີ້ ທ່ານ ຄໍາຂັນ ຈັນທະວີສຸກ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າ...

ສະພາແຫ່ງຊາດ ລົງຄະແນນສຽງຮັບຮອງເອົາ ການສະເໜີແຕ່ງຕັ້ງລັດຖະມົນຕີໃໝ່ 2 ກະຊວງ

 ພາຍຫຼັງໄຂກອງປະຊຸມຢ່າງເປັນທາງການ ກອງປະຊຸມກໍໄດ້ພິຈາລະນາຮອບຮອງເອົາການແຕ່ງຕັ້ງສະມາຊິກລັດຖະບານຕາ...
Previous
Next

ກອງປະຊຸມໃຫຍ່ຜູ້ແທນອົງຄະນະພັກເມືອງໂພນໄຊຄັ້ງທີ IX

ວັນທີ 21-22 ພະຈິກນີ້ ກອງປະຊຸມໃຫຍ່ຜູ້ແທນອົງຄະນະພັກເມືອງໂພນໄຊ ຄັ້ງທີ່ IX ໄດ້ໄຂຂື້ນຢ່າງເປັນທາງການ ມີ ສະຫາຍ ຄຳຂັນ ຈັນທະວີສຸກ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫຼວງພະບາງ ພ້ອມດ້ວຍຜູ້ແທນກອງປະຊຸມໃຫຍ່ ຈຳນວນ 116 ສະຫາຍ, ຍີງ 8 ສະຫາຍ, ເປັນຕົວແທນໃຫ້ສະມາຊິກພັກ 1.591 ສະຫາຍ ໃນທົ່ວເມືອງ ແລະຜູ້ແທນຮັບເຊີນ ເຂົ້າຮ່ວມ.

ສະຫາຍ ສີຈັນ ລັດສະໝີ ກໍາມະການພັກແຂວງ ເລຂາຄະນະບໍລິຫານງານພັກເມືອງ ໄດ້ກ່າວໄຂກອງປະຊຸມວ່າ: ກອງປະຊຸມຄັ້ງນີ້ ຈະດຳເນີນເປັນເວລາ 2 ວັນ ພາຍໃຕ້ຄຳຂວັນ ເພີ່ມທະວີຄວາມສາມາດນຳພາຄະນະພັກແຕ່ລະຂັ້ນ ເຂົ້າໃນທຸກຂົງເຂດວຽກງານ ເພື່ອແກ້ໄຂຄວາມທຸກຍາກຂອງປະຊາຊົນ ສູ້ຊົນເຮັດໃຫ້ເມືອງໂພນໄຊເປັນເມືອງເຂັ້ມແຂງຮອບດ້ານເທື່ອລະກ້າວ. 

ໃນນັ້ນ ຈະໄດ້ຮັບຟັງການ ຜ່ານຮ່າງລາຍງານການເມືອງທັງສອງພາກ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ່ IX ແຕ່ປີ 2014-2019 ແລະທິດທາງ 2020-2024 ຂອງອົງຄະນະພັກເມືອງ, ພ້ອມທັງຈະມີການປະກອບຄຳເຫັນຂອງບາງຂົງເຂດວຽກງານ ແລະຄອບຄົວຄົວຕົວແບບບາງດ້ານ, ຮັບຟັງການຜ່ານບົດສຳຫຼວດການນຳພາ ລວມຂອງຄະນະບໍລິຫານງານພັກເມືອງຊຸດທີ VIII ແລະດຳເນີນການປ່ອນບັດເລືອກຕັ້ງ ເອົາຄະນະບໍລິຫານງານພັກເມືອງຊຸດທີ IX ເພື່ອສືບຕໍ່ຊີ້ນຳ-ນຳພາ ການປະຕິບັດມະຕິກອງປະຊຸມ ໃນຕໍ່ໜ້າ ພ້ອມທັງປ່ອນບັດເລືອກຕັ້ງ ເອົາຜູ້ແທນໄປຮ່ວມກອງປະຊຸມໃຫຍ່ ຜູ້ແທນອົງຄະນະພັກແຂວງຫຼວງພະບາງ ຄັ້ງທີ່ VIII ຕື່ມອີກ.

ໃນ 5 ປີຜ່ານມາອົງຄະນະພັກເມືອງ ໄດ້ຈັດຕັ້ງຜັນຂະຫຍາຍມີຕິກອງປະຊຸມໃຫຍ່ຂອງພັກແຕ່ລະຂັ້ນ ບົນພື້ນຖານສະພາບແວດລ້ອມ ທີ່ມີຄວາມຫຍຸ້ງຍາກຫຼາຍຢ່າງ ເປັນຕົ້ນ ພື້ນທີ່ສ່ວນໃຫຍ່ເປັນພູດອຍ, ເສັ້ນທາງຄົມມະນາຄົມມີຄວາມຫຍຸ້ງຍາກ, ໄດ້ຮັບຜົນກະທົບຈາກໄພທຳມະຊາດຫຼາຍປີ, ປະກົດການຫຍໍ້ທໍ້ບາງດ້ານ ຍັງເກີດຂື້ນຢ່າງຕໍ່ເນື່ອງ, ແຕ່ຄະນະພັກ-ອົງການປົກຄອງເມືອງ ໄດ້ສຸມໃສ່ປັບປຸງ ແກ້ໄຂໃຫ້ດີຂື້ນ ໂດຍການຍົກສູງບົດບາດການນຳພາຂອງພັກ ເຂົ້າໃນທຸກຂົງເຂດວຽກງານ ແລະຮາກຖານບ້ານ ເຮັດໃຫ້ ທົ່ວເມືອງມີສະຖຽນລະພາບ ທາງດ້ານການເມືອງ, ສັງຄົມມີຄວາມສະຫງົບ-ຄວາມເປັນລະບຽບຮຽບຮ້ອຍ ໂດຍພື້ນຖານ, ເສດຖະກິດ ໄດ້ຮັບການຂະຫຍາຍຕົວຢ່າງຕໍ່ເນື່ອງ ແລະຖືກທິດ ໃນລະດັບ 7,2% ລວມຍອດຜະລິດຕະພັນພາຍໃນ (GO) ບັນລຸ 293,86 ຕື້ກີບ, ສະເລ່ຍໄດ້ 8.410.659 ກີບ ຫຼື ເທົ່າກັບ 1.051 ໂດລາສະຫະລັດ ຕໍ່ຄົນຕໍ່ປີ, ການຜະລິດກະສິກຳ-ຫັດຖະກຳ ຂອງປະຊາຊົນ ໄດ້ຫັນປ່ຽນຈາກ ການຜະລິດເຄີ່ງທຳມະຊາດ-ຜະລິດເພື່ອຊົມໃຊ້ ໄປສູ່ການຜະລິດເປັນສີນຄ້າ, ການດືງດູດການລົງທືນເຂົ້າການພັດທະນາພື້ນຖານໂຄງລ່າງນັບມື້ເພີ້ມຂື້ນ, ຕາໜ່າງບໍລິການດ້ານສຶກສາ-ສາທາລະນະສຸກ ໄດ້ຮັບການຂະຫຍາຍກວ້າງຂວາງ, ວັດທະນະທຳ ຮີດຄອງປະເພນີ ໄດ້ຮັບການອານຸລັກ ແລະເສີມຂະຫຍາຍ, 5 ປີຜ່ານມາສາມາດຂະຫຍາຍໜ່ວຍພັກໃໝ່ໄດ້ 10 ໜ່ວຍ, ສະມາຊິກພັກເພີ້ມຂື້ນ 562 ສະຫາຍ, ສ້າງໜ່ວຍພັກປອດໃສ ເຂັ້ມແຂງ ແລະໜັກແໜ້ນ ໄດ້ 80 ໜ່ວຍກວມ 72% ຂອງໜ່ວຍພັກທັງໝົດ.

ພິທີ ສະຫາຍ ສີຈັນ ລັດສະໝີ ກຳມະການພັກແຂວງ ເລຂາຄະນະບໍລິຫານງານພັກເມືອງ ໄດ້ກ່າວໄຂກອງປະຊຸມ ພ້ອມທັງຜ່ານຮ່າງລາຍງານການເມືອງທັງສອງພາກ, ສະຫາຍ ຫຸມແພງ ແກ້ວວິຈິດ ຮອງເລຂາຄະນະບໍລິຫານງານພັກເມືອງ ໄດ້ຂື້ນຜ່ານ ແຜນພັດທະນາເສດຖະກິດ-ສັງຄົມຂອງເມືອງ ແຕ່ປີ 2014-2019 ແລະທິດທາງ ແຜນການ 2020-2024, ຈາກນັ້ນ ໄດ້ຮັບຟັງການປະກອບຄໍາເຫັນຂອງ ຕົວແບບ ແຕ່ລະດ້ານ.

ຕອນເຊົ້າຂອງວັນທີ 22 ພະຈິກ ສະຫາຍ ທອງຈັນ ລັດຕະນະປະດິດ ກໍາມະການປະຈຳພັກເມືອງ ໄດ້ຕາງໜ້າຄະນະບໍລິຫານງານພັກເມືອງຊຸດທີ່ VIII ຂື້ນຜ່ານບົດສຳຫຼວດການນຳພາລວມ ຂອງຄະນະບໍລິຫານງານພັກເມືອງ, ຍົກໃຫ້ເຫັນຜົນງານ ທີ່ຄະນະບໍລິຫານງານພັກເມືອງ ຍາດມາໄດ້ ໂດຍຖືເອົາການສຶກສາອົບຮົມໃຫ້ປະຊາຊົນບັນດາເຜົ່າ ເປັນເຈົ້າປະກອບສ່ວນ ວຽກງານປ້ອງກັນຊາດ-ປ້ອງກັນຄວາມສະຫງົບ, ເຮັດໃຫ້ທົ່ວເມືອງມີຄວາມສະຫງົບ ແລະເປັນລະບຽບຮຽບຮ້ອຍນັບມື້ນັບໜັກແໜ້ນ, ສາມາດສ້າງບ້ານປ້ອງກັນຊາດເຂັ້ມແຂງໄດ້ 37 ບ້ານ, ບ້ານປ້ອງກັນຄວາມສະຫົງບດີໄດ້ 21 ບ້ານ, ສ້າງກຸ່ມບ້ານສູ້ຮົບຕິດລຽນໄດ້ 2 ກຸ່ມບ້ານ, ປະກົດການຫຍໍ້ທໍ້ຕ່າງໆ ທີ່ເກີດຂື້ນໄດ້ຮັບການແກ້ໄຂໂດຍພື້ນຖານ, ໄດ້ຊຸກຍູ້ການຜະລິດເປັນສິນຄ້າ ແລະປູກຫ້ຍາລ້ຽງສັດໃຫ່ຍໄດ້ 11,085 ເຮັກຕ່າ, ເຮັດໃຫ້ມີບ້ານພົ້ນທຸກ 33 ບ້ານ, ສ້າງບ້ານພັດທະນາໄດ້ 14 ບ້ານ; ຄອບຄົວພັດທະນາໄດ້ 2.469 ຄອບຄົວ, ລະດັບການເຕີບໂຕເສດຖະກິດມະຫາພາກຂອງເມືອງເທົ່າ 7,2% ຕໍ່ປີ; ສະເລ່ຍໃສ່ຫົວຄົນບັນລຸ 8.410.000 ກີບຕໍ່ຄົນຕໍ່ປີ ຫຼື ເທົ່າກັບ 1.051 ໂດລາ, ມາຮອດປະຈຸບັນ ລະດັບຊີວິດການເປັນຢູ່ຂອງປະຊາ ຊົນບັນດາເຜົ່າໄດ້ຮັບການປັບປຸງດີຂື້ນຫຼາຍເທົ່າ, ຕາໜ່າງການສຶກສາ-ການບໍລິການສາທາລະນະສຸກ ໄດ້ຂະຫຍາຍຕົວຢ່າງທົ່ວເຖິງ, ດ້ານປະລິມານ ແລະຄຸນນະພາບ ອັນພົ້ນເດັ່ນ ສາມາດປະກາດໂຮງຮຽນປະຖົມ 1 ແຫ່ງເປັນໂຮງຮຽນຕົວແບບຄຸນນະພາບແຫ່ງທຳອິດຂອງແຂວງ ແລະປະກາດລົບລ້າງຈົບຊັ້ນມັດທະຍົມຕອນຕົ້ນໃນທົ່ວເມືອງ, ອັດຕາການຕາຍຂອງແມ່ ແລະເດັກໄດ້ຫຼຸດລົງ, ຄອບຄົວ ແລະບ້ານສາທາລະນະສຸກແບບຢ່າງ ເພີ່ມຂື້ນກວມ 82% ຂອງຈໍານວນບ້ານທົ່ວເມືອງ, ປະກາດບ້ານວັດທະນາທຳສຳເລັດ 43 ບ້ານ ກວມ 75,4% ຂອງຈຳນວນບ້ານທົ່ວເມືອງ.

ຜ່ານການດຳເນີນຊີວິດການເມືອງເຫັນວ່າ ສະຫາຍ ຄະນະບໍລິຫານງານພັກເມືອງ ສາມາດເຊີດຊູບົດບາດ ເປັນຫຼັກແຫຼ່ງເຕົ້າໂຮມຄວາມສາມັກຄີ, ມີຄຸນທາດການເມືອງໜັກແໜ້ນ, ຮັກສາຄຸນສົມບັດ-ສິນທຳປະຕິວັດ, ມີແບບແຜ່ນດຳລົງຊີວິດທີ່ໂປ່ງໃສ, ຊື່ສັດບໍລິສຸດຕໍ່ພັກ, ຕໍ່ຊາດ, ຕໍ່ປະຊາຊົນ, ຮັກສາໄດ້ ຄວາມເປັນແບບຢ່າງທີ່ດີຂອງພະນັກງານນຳພາ-ຄຸ້ມຄອງ ແລະຍົກສູງບົດບາດການນຳພາຂອງພັກໃຫ້ສູງຂຶ້ນຢູ່ໃນສັງຄົມຢ່າງກ້ວາງຂວາງ, ສາມາດຈັດປະເພດໄດ້ປະເພດແຂງ 18 ສະຫາຍ; ກວມ 90%, ກາງ 2 ສະຫາຍ; ກວມ 10%, ຈາກນັ້ນ ຄະນະບໍລິຫານງານພັກເມືອງຊຸດທີ VIII ໄດ້ກ່າວລາໜ້າທີ່ ໂອກາດນີ້ ສະຫາຍ ຄຳຂັນ ຈັນທະວີສຸກ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫຼວງພະບາງ ໄດ້ຊີ້ນຳໃຫ້ຜູ້ແທນກອງປະຊຸມຈົ່ງພ້ອມກັນຄົ້ນຄວ້າ ຢ່າງເລິກເຊີ່ງກ່ຽວກັບມາດຖານເງື່ອນໄຂຂອງຄະນະບໍລິຫານງານພັກເມືອງ ເລືອກໃຫ້ໄດ້ຕາມມາດຖານເງື່ອນໄຂຄົບຖ້ວນ ເພື່ອສືບຕໍ່ຊີ້ນຳວຽກງານ ຂອງອົງຄະນະພັກເມືອງໃນຕໍ່ໜ້າ ໃຫ້ຄວາມໜັກແໜ້ນເຂັ້ມແຂງ ແລະມີຜົນສຳເລັດ, ຍົກສູງບົດບາດການນຳພາຂອງພັກ ໃຫ້ປອດໃສ ເຂັ້ມແຂງ ໜັກແໜ້ນ. ໃນນັ້ນ ໃຫ້ຮັບປະກັນບັນລຸສາມຮຸ່ນຄື: ອາວຸໂສ, ກາງ ແລະໜຸ່ມ, ທັງປະກອບດ້ວຍເພດ-ເຜົ່າ.

ກອງປະຊຸມໄດ້ເປັນເອກະສັນ ຮັບຮອງເອົາລາຍງານການເມືອງ ຂອງຄະນະບໍລິຫານງານພັກເມືອງຊຸດທີ VIII ໂດຍໄດ້ສະຫຼຸບຕີລາຄາໝາກຜົນ ແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ ໃນທຸກຂົງເຂດວຽກງານ, ພ້ອມທັງຮັບຮອງເອົາຂໍ້ສະຫຼຸບ 5 ປະການ ເຊິ່ງເປັນບົດຮຽນອັນປະເສີດ ທີ່ຖອດຖອນໄດ້ຈາກພຶດຕິກຳ ແຫ່ງການຈັດຕັ້ງນຳພາ ແລະປະຕິບັດກອງປະຊຸມໃຫຍ່ຄັ້ງທີ VIII ຂອງອົງຄະນະພັກເມືອງ; ກຳນົດຄາດໝາຍ ແລະທິດທາງລວມ ໃນແຜນພັດທະນາເສດຖະກິດ-ສັງຄົມ ຂອງເມືອງໃນ 5 ປີຕໍ່່ໜ້າ ດ້ວຍຄວາມເປັນເອກະພາບສູງ, ຄົ້ນຄວ້າ ແລະຮັບຮອງເອົາຢ່າງເປັນເອກະສັນ ກ່ຽວກັບວິໄສທັດ ແຕ່ນີ້ ຫາ 2030 ຄື: “ ສູ້ຊົນສ້າງເມືອງໂພນໄຊ ໃຫ້ຫຼຸດພົ້ນອອກຈາກຄວາມທຸກຍາກ ໂດຍເລັ່ງໃສ່ການປູກພືດຜັກສະອາດ ປອດສານຜິດ ຖືການລ້ຽງສັດເປັນສິນຄ້າ  ຕິດພັນກັບການປູກຫຍ້າເປັນອາຫານສັດ ແລະສ້າງທຸກເງື່ອນໄຂ ເພື່ອນໍາພາເມືອງໂພນໄຊ ໃຫ້ກາຍເປັນເມືອງເຂັ້ມແຂງຮອບດ້ານ ເທື່ອລະກ້າວ ”.ຮັບຮອງເອົາບົດສຳຫຼວດການນຳພາລວມ ຂອງຄະນະບໍລິຫານງານພັກເມືອງ ສະໄໝທີ VIII ແລະດຳເນີນການປ່ອນບັດເລືອກຕັ້ງ ເອົາຄະນະບໍລິຫານງານພັກເມືອງ ສະໄໝທີ IX ຈໍານວນ 25 ສະຫາຍ, ຍິງ 1 ສະຫາຍ, ກອງປະຊຸມຄັ້ງປະຖົມມະລຶກ ຂອງຄະນະບໍລິຫານງານພັກເມືອງໂພນໄຊ ສະໄໝທີ IX ໄດ້ເປັນເອກະພາບເລືອກຕັ້ງ ເອົາຄະນະປະຈຳພັກເມືອ 7 ສະຫາຍ ໃນນັ້ນ ໄດ້ເລືອກເອົາ ສະຫາຍ ທອງຈັນ ລັດຕະນະປະດິດ ເປັນເລຂາຄະນະບໍລິຫານງານພັກເມືອງ; ສະຫາຍ ຊາຍພອນ ສຸອຸໄທ ເປັນຮອງເລຂາ ທັງເປັນປະທານກວດກາຄະນະບໍລິຫານງານພັກເມືອງ, ສະຫາຍ ຄຳກ້ຽງ ຈົ່ງຮົວທໍ່ ເປັນຮອງເລຂາຄະນະບໍລິຫານງານພັກເມືອງ; ພ້ອມນີ້ ໄດ້ປ່ອນບັດຄັດເລືອກເອົາຜູ້ແທນສົມບູນ ແລະຜູ້ແທນສຳຮອງ ເພື່ອຕາງໜ້າ ໃຫ້ແກ່ອົງຄະນະພັກເມືອງ ໄປຮ່ວມກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ ຈຳນວນ 13 ສະຫາຍ, ຍິງ 1 ສະຫາຍ ແລະສຳຮອງ 02 ສະຫາຍ. ກອງປະຊຸມໃຫຍ່ຄັ້ງນີ້ ຜູ້ແທນກອງປະຊຸມ ໄດ້ຮັບຟັງຄຳໂອ້ລົມຂອງ ສະຫາຍ ຄຳຂັນ ຈັນທະວີສຸກ ກຳມະການສູນກາງພັກ, ເລຂາຄະນະບໍລິຫານງານພັກແຂວງຫຼວງພະບາງ ສະຫາຍໄດ້ເນັ້ນໃຫ້ຄະນະໜ່ວຍພັກທຸກຂັ້ນ ສືບຕໍ່ກໍ່ສ້າງຮາກຖານການເມືອງຢ່າງຮອບດ້ານຕາມ 4 ເນື້ອໃນ 4 ຄາດໝາຍ, ຍົກສູງບົດບາດ, ຄວາມສາມາດການນໍາພາຂອງຄະນະພັກ, ຂອງໜ່ວຍພັກຮາກຖານບ້ານ, ຍົກສູງບົດບາດ, ຄວາມສາມາດຂອງກໍາລັງກອງຫລອນ, ປ້ອງກັນ ໃຫ້ເຮັດໜ້າທີ່ ປ້ອງກັນຊາດ-ປ້ອງກັນຄວາມສະຫງົບ ເປັນຂອງທົ່ວປວງຊົນຢ່າງຮອບດ້ານ ເພື່ອນໍາພາເມືອງໂພນໄຊມີຄວາມສະຫງົບ ຄວາມເປັນລະບຽບຮຽບຮ້ອຍ, ກ້າວໄປສູ່ການລຸດພົ້ນ ຈາກເມືອງທຸກຍາກຕາມຄາດໝາຍທີວາງໄວ້ ແລະເຮັດໃຫ້ເມືອງໂພນໄຊ ເປັນເມືອງເຂັ້ມແຂງຮອບດ້ານເທື່ອລະກ້າວ.

ເພື່ອເຮັດໃຫ້ຜົນສຳເລັດ ຂອງກອງປະຊຸມໃຫຍ່ຜູ້ແທນອົງຄະນະພັກເມືອງໂພນໄຊ  ຄັ້ງທີ IX ໄດ້ຮັບການຜັນຂະຫຍາຍຢ່າງມີປະສິດທິຜົນສູງ ຜູ້ແທນກອງປະຊຸມໃຫຍ່ ໄດ້ເປັນກະພາບລົງປະຊາມະຕິຮັບຮອງ ເອົາຄາດໝາຍກອງປະຊຸມແຕ່ລະດ້ານ ເປັນມະຕິກອງປະຊຸມອົງຄະນະພັກເມືອງໂພນໄຊ ຄັ້ງທີ່ IX ເພື່ອຜັນຂະຫຍາຍ ແລະຈັດຕັ້ງປະຕິບັດໃຫ້ເລິກເຊີ່ງ, ກວ້າງຂວາງ ຮັບປະກັນໃຫ້ມີຜົນສຳເລັດໃນຊຸປີຕໍ່ໜ້າ. ໂອກາດທີ່ມີຄວາມໝາຍສຳຄັນນີ້ ກ້ອນກຳລັງຂອງປະຊາຊົນບັນດາເຜົ່າ ໄດ້ເຂົ້າອວຍພອນ ຜົນສຳເລັດຂອງກອງປະຊຸມໃຫຍ່ ຜູ້ແທນອົງຄະນະພັກເມືອງຄັ້ງທີ່ IX ຕື່ມອີກ.

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ເບີກູ້ໄພ:       1625

ຈຳນວນຄົນອອນໄລ໌ທ

ມີ 10  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

86759
ມື້ນີ້ມື້ນີ້22
ມື້ວານນີ້ມື້ວານນີ້86
ອາທິດນີ້ອາທິດນີ້321
ເດືອນນີ້ເດືອນນີ້418
ທັງໝົດທັງໝົດ86759

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ