​ຊົມ​ເຊີມ​ວັນ​ສ້າງ​ຕັ້ງ​ພັກ ​ປະ​ຊາ​ຊົນ​ປະ​ຕິ​ວັດ​ລາວ ​ຄົບ​ຮອບ 67 ປີ ຢ່າງ​ສຸດ​ໃຈ.

ອອກ​ແຮງ​ແຂ່ງ​ຂັນ​ສ້າງ​ຜົນ​ງານ​ຄຳ​ນັບ​ຮັບ​ຕ້ອນ​ວັນ​ສ້າງ​ຕັ້ງ​ພັກ ຄົບ​ຮອບ 67 ປີ.

ພິທີປາຖະກະຖາ ວັນບຸກໂຈມຕີຄ້າຍມົງກາດາ ຄົບຮອບ 69 ປີ

ພິທີປາຖະກະຖາ ວັນບຸກໂຈມຕີຄ້າຍມົງກາດາ ຄົບຮອບ 69 ປີ

​          ​ໃນວັນທີ 26 ກໍລະກົດ 2022 ທີ່ມະຫາວິທະຍາໄລ ສຸພານຸວົງ, ແຂວງຫຼວງພະບາງ, ອົງການປົກຄອງແຂວງຫຼວງພະບາງ, ມະຫາວິທະຍາໄລສຸພານຸວົງ ແລະ ສະມາຄົມມິດຕະພາບ ລາວ-ກູບາ ຮ່ວມ​ກັບສະຖານເອກອັກຄະລັດຖະທູດ ແຫ່ງ ສ.ກູ​ບາ ປະ​ຈໍາ ສປປ ລາວ ໄດ້ຈັດ​

ພິທີປາຖະກະຖາ​ວັນບຸກໂຈມຕີຄ້າຍມົງກາດາ ຄົບຮອບ 69 ປີ (26/07/1953-26/07/2022), ໂດຍການໃຫ້ກຽດ​ເຂົ້າຮ່ວມຂອງ ສະຫາຍ ນາງ ວຽນວິໄລ ດີລະພັນ ກຳມະການປະ ຈຳພັກແຂວງ, ສະມາຊິກສະພາແຫ່ງຊາດ ເຂດເລືອກຕັ້ງທີ 6 ແຂວງຫຼວງພະບາງ, ຫົວໜ້າຄະນະໂຄສະນາອົບຮົມແຂວງສະຫາຍ ນາງ ແອນນາ ເອັດເຕ ວຽງ ວາເດຣ  (Enna Esther Viant Valdes),  ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສ.ກູບາ ປະຈໍາ ສປປ ລາວ, ສະຫາຍ ອຈ ນາງດາວອນ ສີສຸລາດ ຄະນະພັກຮາກຖານ, ຮອງອະທິ ການບໍດີມະຫາວິທະຍາໄລສຸພານຸວົງ, ສະຫາຍ ສູນທອນ ສິລິສັກ, ຮອງປະທານສະມາຄົມມິດຕະພາບ ລາວ-ກູບາ. ນອກນັ້ນ, ຍັງມີພະນັກງານຈາກຂະແໜງການອ້ອມຂ້າງແຂວງຫຼວງພະບາງ, ຄູອາຈານ ແລະ ນັກສືກສາຈາກມະຫາວິທະຍາໄລສຸພານຸວົງ ເຂົ້າຮ່ວມຮັບຟັງຈຳນວນ 274 ຄົນ; ຍິງ 84 ຄົນ.  

ສະຫາຍ ນາງ ແອນນາ ເອັດເຕ ວຽງ ວາເດຣ, ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສ.ກູບາ ປະຈໍາ ສປປ ລາວ ໄດ້ໃຫ້ກຽດຂື້ນກ່າວປາຖະກະຖາ ຊຶ່ງໄດ້ທວນຄືນມູນເຊື້ອການຕໍ່ສູ້ກູ້ຊາດໃນໄລຍະຜ່ານມາຂອງ ກູບາ, ພິເສດແມ່ນການຕໍ່ສູ້ອັນພິລະອາດຫານຂອງປະຊາຊົນກູບາ-ລາວອ້າຍນ້ອງ ໃນການຕ້ານພວກລັດທິລ່າເມືອງຂຶ້ນແບບໃໝ່ ພາຍໃຕ້ການນຳພາປີຊາສາມາດຂອງພັກກອມມູນິດ ກູບາ ໂດຍມີ ສະຫາຍ ຟີເດນ ກາຣໂຕຼຣຸດ ເປັນຜູ້ນຳໜ້າ ຈຶ່ງສາມາດຍາດໄດ້ໄຊຊະນະໃນບັ້ນຮົບວັນບຸກໂຈມຕີຄ້າຍມົງກາດາ, ໃນວັນທີ 26 ກໍລະກົດ 1953, ໄຊຊະນະດັ່ງກ່າວໄດ້ກາຍ ເປັນບາດລ້ຽວອັນສໍາຄັນ ຂອງການປະຕິວັດກູບາ ແລະ ໄດ້ຖືກຈາລຶກໄວ້ໃນໜ້າປະຫວັດສາດຂອງປະຊາຊົນກູບາ-ລາວ ອ້າຍນ້ອງ. ພ້ອມນີ້ ສະຫາຍ ເອກອັກຄະລັດຖະທູດ ຍັງຍົກໃຫ້ເຫັນການປົກປັກຮັກສາ ແລະ ສ້າງສາພັດທະນາ ປະເທດຊາດ ຂອງ ສ. ກູບາ, ໃນປະຈຸບັນ ພາຍໃຕ້ການນຳພາອັນສະຫຼາດສອງໃສ ແລະ ໜັກແໜ້ນຂອງພັກ ເຮັດໃຫ້ ສ.ກູບາ ມີສະ ຖຽນລະພາບທາງດ້ານການເມືອງ, ເສດຖະກິດ-ສັງຄົມຂະຫຍາຍຕົວ ເຖິງວ່າຈະມີຄວາມຫຍຸ້ງຍາກຈາກການປິດລ້ອມຂວ້ຳບາດເປັນເວລາຫຼາຍທົດສະວັດ, ໂດຍສະເພາະດ້ານການພັດທະນາຊັບພະຍາກອນມະນຸດ, ການແພດ, ກະສິກຳ, ວິ ທະຍາສາດ ແລະ ເຕັກໂນໂລຢີ ມີການພັດທະນາທັນສະໄໝ, ຊີວິດການເປັນຢູ່ ຂອງປະຊາຊົນ ໄດ້ຮັບການປັບປຸງໃຫ້ດີຂຶ້ນເທື່ອລະກ້າວ.

ນອກນັ້ນ, ສະຫາຍເອກອັກຄະລັດຖະທູດ ຍັງໄດ້ຕີລາຄາສູງຕໍ່ສາຍພົວພັນມິດຕະພາບ, ຄວາມສາມັກຄີ ແລະ ການຮ່ວມມື ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ກູບາ ໃນໄລຍະການຕໍ່ສູ້ກູ້ຊາດ ກໍ່ຄືໄລຍະປົກປັກຮັກສາ ແລະ ສ້າງສາປະເທດຊາດ ຍັງສືບຕໍ່ໄດ້ຮັບການເສີມຂະຫຍາຍ ແລະ ເພີ່ມພູນຄູນສ້າງຢ່າງບໍ່ຢຸດຢັ້ງ ເພຶ່ອນຳເອົາຜົນປະໂຫຍດມາສູ່ປະຊາຊົນ 2 ຊາດ ກູບາ ແລະ ລາວ.

ໃນຕອນທ້າຍຂອງພິທີ ສະຫາຍນາງ ວຽນວິໄລ ດີລະພັນ, ກຳມະການປະຈຳພັກແຂວງ, ສະມາຊິກສະພາແຫ່ງຊາດ ເຂດເລືອກຕັ້ງມີ 6 ແຂວງຫຼວງພະບາງ, ຫົວໜ້າຄະນະໂຄສະນາອົບຮົມແຂວງ ຕ່າງໜ້າການນຳແຂວງ ສະແດງຄວາມຂອບໃຈ ແລະ ອວຍພອນໃຫ້ແກ່ ສະຫາຍ ນາງ ແອນນາ ເອັດເຕ ວຽງ ວາເດຣ, ເອກອັກຄະລັດຖະທູດ ກູບາ ປະຈໍາ ສປປ ລາວ ຈົ່ງປະສົບຜົນສຳເລັດໃນໜ້າທີ່ວຽກງານທີ່ມີກຽດຂອງສະຫາຍ

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 6  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

140173
ມື້ນີ້ມື້ນີ້17
ມື້ວານນີ້ມື້ວານນີ້278
ອາທິດນີ້ອາທິດນີ້380
ເດືອນນີ້ເດືອນນີ້1294
ທັງໝົດທັງໝົດ140173