ນະຄອນ-ຫຼວງພະບາງ ຈັດກອງປະຊຸມເຜີຍແຜ່ເຊື່ອມຊືມມະຕິ

ລາຍລະອຽດ

ສ້າງຂື້ນເມື່ອ ວັນພຸດ, 30 ມີຖຸນາ 2021 02:43

ຂຽນໂດຍ ແສງແກ້ວ

ໃນທ້າຍເດືອນ ມີຖຸນາ ປີ 2021 ທີ່ຜ່ານມາທາງຄະນະໂຄສະນາອົບຮົມນະຄອນສົມທົບກະຫ້ອງວ່າການນະຄອນຫລວງພະບາງ ຈັດກອງປະຊຸມເຜີຍແຜ່ເຊື່ອມຊືມມະຕິ   Xl  ຂອງພັກ,​ມະຕິ Vlll ຂອງອົງຄະນະພັກແຂວງ ແລະ ມະຕິ Vll ຂອງອົງຄະນະພັກ ນະຄອນຫລວງພະບາງ ໂດຍເປັນປະທານ ຂອງທ່ານ ສຸກັນບຸນຍົງ ຮອງເລຂາພັກແຂວງ ປະທານແນວລາວສ້າງຊາດ ແຂວງ ແລະ ທ່ານ ນາງ ສີລິພອນ ສຸວັນທອງ   ຮອງເຈົ້າແຂວງຫລວງພະບາງ ມີບັນດາກຳມະການ ຄະນະປຳພັກ,​ກຳມະການພັກ,​

ເລຂາພັກຮາກຖານ, ​ເລຂາໜ່ວຍພັກສຳນັກງານ,​ ກົມກອງ,​ຫົວໜ້າຫ້ອງການ,​ ຮອງຫົວໜ້າຫ້ອງການອອ້ມຂ້າງທົ່ວ ນະຄອນມີຜູ່ເຂົ້າຮ່ວມຮັບຟັງທັງໝົດ 180 ສະຫາຍ,​ຍິງ 20 ຫາຍ.​                    

ໃນນັ້ນ ທ່ານປະທານ  ໄດ້ຍົກດ້ານບໍລິຫານວຽກງານແຕ່ລະຂັ້ນ, ທິດທາງແຜນການພັດທະນາເສດຖະກິດສັງຄົມ, ຊີ້ແຈງອົບຮົມແນວຄິດ-ການເມືອງຕີລາຄາຄືນຄວາມຮັບຜິດຊອບການຈັດຕັ້ງປະຕິບັດວຽກງານໃນໄລຍະຜ່ານມາ ບຸກຄະລະກອນພາຍໃນແຕ່ລະຂັ້ນຕ້ອງແນໃສ່ການປັບປຸງຍົກສູງຄຸນນະພາບ ແລະ ສ້າງການປ່ຽນແປງໃຫມ່ແບບແຜນອົງຄະນະພັກແຂວງໃຫ້ມີຄວາມໜັກແໜ້ນເຂັ້ມແຂງ, ຄະນະພັກ​ແຕ່ລະຂັ້ນຈະຕ້ອງໄດ້ເສີມຂະຫຍາຍປະຊາທິປະໄຕ ໃນການເຄື່ອນໄຫວຊີ້ນໍາລວມ ແລະ ແກ້ໄຂປະກົດການຫຍໍ້ທໍ້ຕ່າງໆໃນສັງຄົມໃຫ້ຫລຸດລົງ, ເສີມຂະຫຍາຍການຈັດຕັ້ງປະຕິບັດໜ້າທີ່ຄວາມຮັບຜິດຊອບ, ແກ້ໄຂຈຸດອອ່ນ-ຂໍ້ຄົງຄ້າງເພື່ອວາງມາດຕະການໃນການຈັດຕັ້ງປະຕິບັດແນວທາງນະໂຍບາຍ ແລະ ລະບຽບກົດໜາຍຂອງລັດໃຫ້ເຂັ້ມງວດຈັດຕັ້ງສູ້ຊົນໃຫ້ໄດ້ບັນລຸຕາມຄາດໜາຍ.​

• ຕໍ່ໄປ >