ຂ່າວພິທີສະເຫຼີມສະຫຼອງ 2 ວັນປະຫວັດສາດ

ສ້າງຂື້ນເມື່ອ ວັນພະຫັດ, 10 ທັນວາ 2020 02:34
ຂຽນໂດຍ ​ເພຍ​ເລົ່າ

ຂ່າວພິທີສະເຫຼີມສະຫຼອງ 2 ວັນປະຫວັດສາດ

ຕອນເຊົ້າ ເວລາ 6:00ໂມງຂອງວັນທີ 9 ທັນວາ 2020 ນີ້ຄະນະນໍາຂອງເມືອງນ້ໍາບາກຮ່ວມກັນວາງກະຕ່າດອກໄມ້ຢູ່ທີ່ ອານຸສາວະລີ ປະທານ ໄກສອນ ພົມວິຫານ, ເຊິ່ງນຳໂດຍ ສະຫາຍ ສົມຫວັງພອນຄຳວົງສາ ກຳມະການພັກແຂວງ ເລຂາພັກເມືອງ ເຈົ້າເມືອງນ້ຳບາກ, ຮອງເຈົ້າເມືອງ, ຫົວໜ້າ-ຮອງຫົວໜ້າຫ້ອງການ ແລະ ພະນັກງານບໍານານເຂົ້າຮ່ວມ.ເວລາ 7: 30 ໂມງ ວັນທີ 9 ທັນວາ 2020 ຢູ່ທີ່ຫ້ອງປະຊຸມໃຫຍ່ຂອງເມືອງ ທາງຄະນະໂຄສະນາອົບຮົມເມືອງນ້ຳບາກໄດ້ສົມທົບກັບຫ້ອງວ່າການປົກຄອງ

ເມືອງ ຈັດຕັ້ງພິທີ ສະເຫຼີມສະຫຼອງ ວັນຊາດ ທີ 2 ທັນວາ ຄົບຮອບ 45 ປີ, ວັນເກີດຂອງປະທານ ໄກສອນພົມວິຫານ ຄົບຮອບ 100 ປີ ໂດຍໃຫ້ກຽດປາໄສ ຂອງ ສະຫາຍ ສົມຫວັງ ພອນຄຳວົງສາ ກຳມະການພັກແຂວງ ເລຂາພັກເມືອງ ເຈົ້າເມືອງນ້ຳບາກ ເຊິ່ງມີ ຄະນະປະຈໍາ, ຄະນະພັກ, ຫົວໜ້າ-ຮອງຫົວໜ້າຫ້ອງການ, ກອງກົມ, ຄະນະອໍານວຍການ ໂຮງຮຽນມັດທະຍົມສົມບູນ, ອຳນວຍການໂຮງຮຽນປະຖົມ, ອຳນວຍການ ໂຮງຮຽນອະນຸບານເທດສະບານ, ລັດວິສາຫະກິດ, ຫົວໜ້າໜ່ວຍງານຢູ່ບັນດາຫ້ອງການ,ພະນັກງານອາວຸດໂສບໍານານ, ນາຍບ້ານ 9 ບ້ານເທດສະບານ ແລະ ນັກທຸລະກິດພາຍໃນເມືອງນ້ຳບາກ,ນັກຮຽນໂຮງຮຽນມັດທະຍົມສົມບູນນ້ຳບາກຈໍານວນໜຶ່ງເຂົ້າຮ່ວມທັງໝົດ 282 ທ່ານ, ຍິງ 43 ທ່ານ, ສະມາຊິກພັກ 240 ສະຫາຍ, ຍິງ 23 ສະຫາຍ.

ໃນການຈັດຕັ້ງພິທີ ສະເຫຼີມສະຫຼອງ 2 ວັນປະຫວັດສາດນີ້ເພື່ອເປັນການໂຄສະນາ, ເຜີຍແຜ່, ສຶກສາອົບຮົມໃຫ້ແກ່ພະນັກງານ, ສະມາຊິກພັກ, ທະຫານຕຳຫຼວດ ແລະ ປະຊາຊົນລາວບັນດາເຜົ່າໃນທົ່ວສັງຄົມໄດ້ຫວນຄືນ, ຮັບຮູ້ມູນເຊື້ອ ແລະ ໄຊຊະນະປະຫວັດສາດຂອງພາລະກິດປະຕິວັດແຫ່ງການຕໍ່ສູ້ປົດປ່ອຍຊາດໃນເມື່ອກ່ອນແລະ ຜົນສຳເລັດໃນການຈັດຕັ້ງປະຕິບັດ 2 ໜ້າທີ່ຍຸດທະສາດຂອງພັກຄື ການປົກປັກຮັກສາ ແລະ ສ້າງສາພັດທະນາປະເທດຊາດຕະຫຼອດໄລຍະ 45 ປີ ພາຍໃຕ້ການຊີ້ນໍາ-ນຳພາຂອງພັກ-ລັດເຮົາ, ໂດຍຖືໂອກາດນີ້ເປັນການເພີ່ມທະວີການສຶກສາອົບຮົມ ພະນັກງານ, ສະມາຊິກພັກ, ທະຫານຕໍາຫຼວດ ແລະ ປະຊາຊົນລາວບັນດາເຜົ່າໃຫ້ມີນ້ຳໃຈຮັກຊາດ, ມູນເຊື້ອສາມັກຄີປອງດອງປະຊາຊົນບັນດາເຜົ່າ ແລະ ຊັ້ນຄົນ, ນ້ຳໃຈການຕໍ່ສູ້ອັນອົງອາດກ້າຫານຂອງກອງທັບ ແລະ ປະຊາຊົນເຮົາ; ຮ່ຳຮຽນເອົາມູນເຊື້ອປະຕິວັດ, ຄຸນທາດການເມືອງ, ຄຸນສົມບັດສິນທຳປະຕິວັດ,ແບບແຜນວິທີເຮັດວຽກ ແລະ ການດຳລົງຊີວິດຂອງປະທານ ໄກສອນ ພົມວິຫານ, ຖືເອົາແນວຄິດປະທານ ໄກສອນພົມວິຫານ ເປັນທິດນໍາໃນການຈັດຕັ້ງປັບປຸງໜ້າທີ່ວກງານໃຫ້ມີປະສິດທິຜົນສູງ.