ເມືອງ​ນ້ຳບາກ ເປີດຮຽນເອກະສານໃຫ້ມະຫາຊົນ

ລາຍລະອຽດ

ສ້າງຂື້ນເມື່ອ ວັນຈັນ, 05 ກໍລະກົດ 2021 04:37

ຂຽນໂດຍ ເພຍ​ເລົ່າ

ຄະນະໂຄສະນາອົບຮົມເມືອງ​ນ້ຳບາກ ເປີດຮຽນເອກະສານໃຫ້ມະຫາຊົນຜູ້ກ້າວໜ້າເປົ້າໝາຍຂະຫຍາຍເຂົ້າພັກປະຊາຊົນ ປະຕິວັດລາວ​ ຊຸດທີ່ V ປະຈຳປີ 2021.

        ໃນທ້າຍເດືອນ ມີຖຸນາ 2021 ຜ່ານມານີ້; ຄະນະໂຄສະນາອົບຮົມເມືອງ​ນ້ຳບາກ ໄດ້ເປີດ-ປິດ ພິທີ ອົບຮົມຮຽນສະໜັບສະໜູນ ໃຫ້ແກ່ມະຫາຊົນຜູ້ກ້າວໜ້າ ເປົ້າໝາຍຂະຫຍາຍເຂົ້າພັກ ພັກປະຊາຊົນ ປະຕິວັດລາວ ຢູ່ທີ່ໂຮງຮຽນ ມສ ນ້ຳຖ້ວມ ຊຸດທີ່ V ປະຈຳປີ 2021 ຂື້ນຢ່າງເປັນທາງການ. ໂດຍເປັນປະທານຂອງ ສະຫາຍ ບຸນທຽບ ລາດສະວົງ ຮອງຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ເມືອງ ມີສຳມະນາກອນ ມາຈາກ ​ໜ່ວຍພັກໂຮງຮຽນ ມສ ນ້ຳຖ້ວມ, ໜ່ວຍພັກບ້ານນາກອກ,  ເຂົ້າ​ຮ່ວມທັງໝົດ 7  ສະຫາຍ, ຍິງ 5 ສະຫາຍ.

 ສຳລັບບົດຮຽນທີ່ນຳໃຊ້ເຂົ້າໃນການອົບຮົມໃນຄັ້ງນີ້. ແມ່ນໄດ້ນຳໃຊ້ເອກະສານຈາກຄະນະ ໂຄສະນາອົບຮົມສູນກາງພັກກຳນົດໃຫ້, ເຊິ່ງມີ 11 ຄຳຖາມ 11 ຄຳຕອບ

 ຈຸດປະສົງຂອງການຝຶກອົບຮົມຄັ້ງນີ້ ເພື່ອໃຫ້ມະຫາຊົນຜູ້ກ້າວໜ້າທີ່ຈະຂະຫຍາຍເຂົ້າເປັນ ສະມາຊິກພັກ ຮັບຮູ້ເບື້ອງຕົ້ນກ່ຽວກັບປະຫວັດຄວາມເປັນມາ, ອຸດົມການ ແລະ ທາດແທ້ ຂອງພັກປະຊາຊົນ ປະຕິວັດລາວ. ເຂົ້າໃຈກ່ຽວກັບມາດຖານ, ເງື່ອນໄຂ ຜູ້ທີ່ຈະເປັນສະມາຊິກພັກ ແລະ ຜົນປະໂຫຍດຂອງສະມາຊິກພັກເພື່ອເຮັດໃຫ້ມະຫາຊົນຜູ້ກ້າວໜ້າແຕ່ລະ ສະຫາຍ ມີຄວາມຮັບຮູ້, ເຂົ້າໃຈເລິກຕື່ມກ່ຽວກັບການກໍ່ສ້າງ ແລະ ຂະຫຍາຍພັກ, ກຳໄດ້ເນື້ອໃນ ພື້ນຖານ ແລະ ຫຼັກການລວມຂອງພັກ,

ພ້ອມທັງຮັບຮູ້ສັງເກດຕີລາຄາ ແລະ ວິເຄາະບັນຫາໄດ້ໃນລະດັບໃດ ໜຶ່ງທີ່ແນ່ນອນ.

        ຕອນທ້າຍ ມະຫາຊົນຜູ້ກ້າວໜ້າເປົ້າໝາຍຂະຫຍາຍເຂົ້າພັກ ປະຊາຊົນ ປະຕິວັດລາວ ແຕ່ລະສະຫາຍກໍ່ໄດ້ຮັບໃບຢັ້ງຢືນການເຂົ້າຮຽນເອກະສານໄວເພື່ອເປັນລັກຖານ ແລະ ໄດ້ຮັບຟັງການໂອ້ລົມຂອງສະຫາຍ ບຸນທຽບ ລາດສະວົງ ຮອງຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ເມືອງ ເຊິ່ງສະຫາຍໄດ້ເນັ້ນໃຫ້ມະຫາຊົນຜູ້ ກ້າວໜ້າ ເປົ້າໝາຍທີ່ຈະຂະຫຍາຍເຂົ້າ ພັກປະຊາຊົນ ປະຕິວັດລາວ ທີ່ໄດ້ເຂົ້າຮ່ຳຮຽນ ເອກະສານໃນຄັ້ງນີ້; ຈົ່ງນຳເອົາບັນດາເນື້ອໃນເອກະສານດັ່ງກ່າວໄປຝຶກຝົນຫຼໍ່ຫຼອມ ຕົນເອງໃຫ້ມີທັດສະນະຫຼັກໜັ້ນການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີແບບແຜນດຳລົງຊິວິດທີ່ປອດໃສຂາວສະອາດ, ເອົາໃຈໃສ່ ປະຕິບັດວຽກງານຕົວຈິງທີ່ພັກລັດມອບໝາຍໃຫ້ມີຜົນສຳເລັດເພື່ອໃຫ້ກາຍເປັນສະມາຊິກພັກທີ່ເປັນແບບຢ່າງທີ່ດີໃນຕໍ່ໜ້າ

• < ຕໍ່ໄປ
• ຕໍ່ໄປ >