ກອງປະຊຸມໃຫຍ່ໜ່ວຍຊາວໜຸ່ມ
ຄະນະນະໂຄສະນາອົບຮົມແຂວງ ຄັ້ງທີ III
ວັນ 07 ມິຖຸນາ 2024 ນີ້ ໜ່ວຍຊາວໜຸ່ມປະຊາຊຊົນ ປະຕິວັດລາວ ຂອງຄະນະໂຄສະນາອົບຮົມແຂວງ ໄດ້ເປີດກອງປະຊຸມໃຫ່ຍຄັ້ງທີ III ຂຶ້ນ ຢູ່ຫ້ອງປະຊຸມຄະນະໂຄສະນາອົບຮົມແຂວງ ໂດຍໃຫ້ກຽດເປັນປະທານຮ່ວມ ຂອງ ສະຫາຍ ນາງ ວຽນວິໄລ ດີລະພັນ ກໍາມະການປະຈໍາພັກແຂວງ, ສະມາຊິກສະພາແຫ່ງຊາດ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ສະຫາຍ ໄຊນະຄອນ ສຸດທິດາ, ຄະນະບໍລິຫານງານສູນກາງຊາວໜຸ່ມ ປປລ, ເລຂາຄະນະບໍລິຫານງານຊາວໜຸ່ມ ປປລ ແຂວງ ແລະ ສະຫາຍ ທອງຈັນ ພົມມະຈັນ ເລຂາໜ່ວຍຊາວໜຸ່ມຄະນະໂຄສະນາອົບຮົມແຂວງ. ມີສະມາຊິກຊາວໜຸ່ມ ພາຍໃນໜ່ວຍເຂົ້າຮ່ວມທັງໝົດ 12 ສະຫາຍ, ຍິງ 05 ສະຫາຍ, ແຂກຖືກເຊີນ 16 ສະຫາຍ.
ໃນກອງປະຊຸມ ສະຫາຍ ທອງຈັນ ພົມມະຈັນ ໄດ້ຂຶ້ນຜ່ານບົດສະຫຼຸບການນຳພາການຈັດຕັ້ງປະຕິບັດວຽກງານຊາວໜຸ່ມສອງພາກໃນໄລຍະ 5 ປີ ຜ່ານມາ, ກອງປະຊຸມໄດ້ເປັນເອກະພາບ ຮັບຮອງເອົາບົດລາຍງານການເມືອງ ທັງສອງພາກ, ເຊິ່ງໄດ້ຕີລາຄາສູງ ເຖິງຜົນງານໄຊຊະນະ ຂອງການຈັດຕັ້ງປະຕິບັດແນວທາງ, ມະ ຕິກອງປະຊຸມໃຫຍ່ ຄັ້ງທີ II ຂອງໜ່ວຍຊາວໜຸ່ມ ຄະນະໂຄສະນາອົບຮົມແຂວງ ໃນໄລຍະ 05 ປີຜ່ານມາ, ຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ ແລະ ຂໍ້ຄົງຄ້າງ ຊຶ່ງຈະໄດ້ສືບຕໍ່ປັບປຸງແກ້ໄຂໃນຕໍ່ໜ້າ, ຊອກໃຫ້ເຫັນສາ ເຫດ ແລະ ບົດຮຽນທີ່ຖອດຖອນໄດ້ໃຫ້ແກ່ການນໍາພາ ຂອງຕົນ; ບົດລາຍງານການເມືອງໄດ້ກຳນົດຄາດໝາຍສູ້ຊົນ, ທິດທາງໜ້າທີ່ແຕ່ນີ້ເຖິງປີ 2028. ກອງປະຊຸມໄດ້ບ່ອນບັດຄັດເລືອກເອົາຄະນະຊຸດໃໝ່ໃນນີ້ ໄດ້ເລືອກເອົາ ສະຫາຍ ສົມນຶກ ຈະເລີນສີ ເປັນເລຂາຊາວໜຸ່ມຊຸດໃໝ່, ສະຫາຍ ນາງ ເພັດພິມໃຈ ສີສະອາດ ເປັນຮອງເລຂາ ແລະ ສະຫາຍ ສຸດທະວີໄຫວ ມີທະວົງ ເປັນຄະນະ.
ໂອກາດນີ້ໄດ້ມອບໃບຍ້ອງຍໍໜ່ວຍຊາວໜຸ່ມ 4 ບຸກ, ທຸງໄຊນໍາໜ້າຄັ້ງທີ 2, ໃບຍ້ອງຍໍ 4 ບຸກ ໃຫ້ສະມາຊິກຊາວໜຸ່ມ ຜູ້ທີ່ມີຜົນງານດີເດັ່ນຈໍານວນ 12 ສະຫາຍ, ຍິງ 6 ສະຫາຍ. ພ້ອມທັງຈັບມືກັນຕາມເນື້ອໃນຂໍ້ແຂ່ງຂັນ 4 ບຸກ; ຈາກນັ້ນກໍ່ໄດ້ເປີດປ້າຍໜ່ວຍຊາວໜຸ່ມ 4 ບຸກ ພ້ອມທັງລັ່ນຄ້ອງ 9 ບາດ.
ຕອນທ້າຍໄດ້ຮັບຟັງການໂອ້ລົມ ແລະ ໃຫ້ທິດເຍືອງທາງຈາກ ສະຫາຍ ໄຊນະຄອນ ສຸດທິດາ, ເຊິ່ງ ສະຫາຍ ໄດ້ຮຽກຮ້ອງມາຍັງຄະນະໜ່ວຍຊາວໜຸ່ມຊຸດໃໝ່, ສະມາຊິກຊາວໜຸ່ມພາຍໃນໜ່ວຍ ຈົ່ງເພີ່ມທະວີຄວາມສາມັກຄີອັນເປັນປຶກແຜ່ນແໜ້ນໜາ, ຍົກສູງສະຕິເປັນເຈົ້າ ຂອງຕົນເອງ, ເພິ່ງຕົນເອງ, ສ້າງຄວາມເຂັ້ມ ແຂງດ້ວຍຕົນເອງ, ປະກອບສ່ວນຢ່າງຕັ້ງໜ້າ, ຍົກສູງຄວາມຮັບຜິດຊອບການເມືອງ ຂອງຕົນ ເຂົ້າໃນການປະຕິ ບັດໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ດີຂື້ນເທື່ອລະກ້າວ.
