ກໍາມະບານຮາກຖານ ຄະນະນະໂຄສະນາອົບຮົມແຂວງ
ເປີດກອງປະຊຸມໃຫຍ່ ຄັ້ງທີ V
ຕອນເຊົ້າ ຂອງວັນ 06 ມິຖຸນາ 2024 ນີ້ ກຳມະບານຮາກຖານ ຄະນະໂຄສະນາອົບຮົມແຂວງ ໄດ້ເປີດກອງປະຊຸມໃຫ່ຍຄັ້ງທີ V ຂຶ້ນ ຢູ່ທີ່ຫ້ອງປະຊຸມຄະນະໂຄສະນາອົບຮົມແຂວງ ໂດຍໃຫ້ກຽດເປັນປະທານຮ່ວມຂອງ ສະຫາຍ ນາງ ວຽນວິໄລ ດີລະພັນ ກໍາມະການປະຈໍາພັກແຂວງ, ສະມາຊິກສະພາແຫ່ງຊາດ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ສະຫາຍ ສົມສັກ ອ່ອນຈັນ ຄະນະບໍລິຫານງານສູນກາງສະຫະພັນກໍາມະບານລາວ, ປະທານສະຫະພັນກໍາມະບານແຂວງ ແລະ ສະຫາຍ ສົມນຶກ ຈະເລີນສີ ຮອງປະທານກໍາມະບານຮາກຖານ ຄະນະໂຄສະນາອົບຮົມແຂວງ. ມີສະມາຊິກກໍາມະບານ ພາຍໃນໜ່ວຍເຂົ້າຮ່ວມທັງໝົດ 20 ສະຫາຍ, ຍິງ 8 ສະຫາຍ ມີແຂກຖືກເຊີນເຂົ້າຮ່ວມ 5 ສະຫາຍ.
ໃນກອງປະຊຸມ ສະຫາຍ ສົມນຶກ ຈະເລີນສີ ຮອງປະທານກໍາມະບານຮາກຖານ ຄະນະໂຄສະນາອົບຮົມແຂວງ. ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດວຽກງານກຳມະບານໃນໄລຍະ 5 ປີ ຜ່ານມາ. ຫຼັງຈາກນັ້ນຄະນະຊຸດເກົ່າໄດ້ຂຶ້ນກ່າວລາໜ້າທີ ແລະ ກອງປະຊຸມຍັງໄດ້ປ່ອນບັດເລືອກຕັ້ງເອົາປະທານກຳມະບານຮາກຖານຊຸດໃໝ່ ມີຜູ້ລົງສະໝັກເລືອກຕັ້ງທັງໝົດ 5 ສະຫາຍ, ຍິງ 2 ສະຫາຍ; ເລືອກເອົາ 3 ສະຫາຍ. ການປ່ອນບັດເລືອກຕັ້ງຄັ້ງນີ້ ໄດ້ເລືອກເອົາ ສະຫາຍ ໄຊຊົ່ງ ຕົງປໍຈົ້ວເຈ້ຍ ເປັນປະທານຄົນໃໝ່ສະຫາຍ ບຸນທະວີ ສົມມະນີ ເປັນຮອງປະທານ ແລະ ເປັນປະທານກວດກາ, ສະຫາຍ ນາງ ວົງສອນ ບົວໄຊຄໍາ ເປັນຄະນະ. ຈາກນັ້ນມອບຮັບໃບຍ້ອງຍໍ 5 ເປັນເຈົ້າໜ່ວຍກຳມະບານ, ແລະ ໃບຍ້ອງຍໍຂັ້ນແຂວງໃຫ້ສະມາຊິກຳມະບານ ຜູ້ທີ່ມີຜົນງານດີເດັ່ນຈຳນວນ 3 ສະຫາຍ, ຍິງ 1 ສະຫາຍ. ພ້ອມທັງຈັບມືກັນຕາມເນື້ອໃນຂໍ້ແຂ່ງຂັນ 5 ເປັນເຈົ້າ.
ໃນຕອນທ້າຍກອງປະຊຸມຍັງໄດ້ຮັບຟັງໂອ້ລົມຂອງ ສະຫາຍ ສົມສັກ ອ່ອນຈັນ ຄະນະບໍລິຫານງານສູນກາງ ສະຫະພັນກໍາມະບານລາວ, ປະທານສະຫະພັນກໍາມະບານແຂວງ ໄດ້ຍ້ອງຍໍຊົມເຊີຍຕໍ່ຜົນງານສະມາຊິກກຳມະບານ ທີ່ຍາດມາໄດ້ຜົນສຳເລັດໃນການຈັດຕັ້ງປະຕິບັດວຽກງານກຳມະບານໃນໄລຍະຜ່ານມາ ສະຫາຍ ຍັງໄດ້ຮຽກຮ້ອງມາຍັງ ຄະນະບໍລິຫານງານສະຫະພັນກໍາມະບານຊຸດທີ VI ເອົາໃຈໃສ່ຕໍ່ວຽກງານດັ່ງກ່າວນີ້ ເປັນຕົ້ນແມ່ນ: ວຽກງານສຶກສາອົບຮົມການເມືອງແນວຄິດໃຫ້ແກ່ສະມາຊິກກໍາມະບານໃນຄວາມຮັບຜິດຊອບຂອງຕົນເປັນປົກກະຕິ, ລວມຊີວິດປະຈຳເດືອນ ເພື່ອຕຳໜິກໍ່ສ້າງ ຊ່ວຍເຫຼືອເຊິ່ງກັນ ແລະ ກັນ ເພື່ອໃຫ້ກຳມະບານຮາກຖານ ເປັນໜ່ວຍທີ່ມີຄວາມເຂັ້ມແຂງ, ຮັກສາມູນເຊື້ອກຳມະ ບານຮາກຖານ 5 ເປັນເຈົ້າ ພ້ອມນັ້ນສ້າງສະມາຊິກກຳມະບານໃຫ້ມີຄວາມກ້າວໜ້າ ແລະ ພັດທະນາຂື້ນເທື່ອລະກ້າວ.
