ພິທີເປີດອົບຮົມຄວາມຮູ້ພື້ນຖານດ້ານການເມືອງ–ການປົກຄອງ ແລະ ການສ້າງບ້ານພັດທະນາ
ໃນລະຫວ່າງວັນທີ 14-16 ພຶດສະພາ 2024 ນີ້ ຢູ່ທີ່ຫ້ອງປະຊຸມໃຫຍ່ຂອງຫ້ອງວ່າການເມືອງໂພນທອງໄດ້ມີການຈັດພິທີອົບອົບຮົມຄວາມຮູ້ພື້ນຖານດ້ານການເມືອງ-ການປົກຄອງ, ການສ້າງບ້ານພັດທະນາ ໃຫ້ແກ່ປະຊາຊົນທີ່ຢູ່ລຽບຕາມຊາຍແດນ ຢູ່ເມືອງໂພນທອງ ແຂວງຫຼວງພະບາງ, ໂດຍການເປັນປະທານຮ່ວມ ແມ່ນ ທ່ານ ບຸນຈັນ ປານຟອງເພັດ ກໍາມະການພັກແຂວງ, ເລຂາພັກເມືອງ, ເຈົ້າເມືອງໂພນທອງ, ທ່ານ ລີຈາວ ໄຊເຢ່ຍຊ່າງ ຮອງຫົວໜ້າກົມອົບຮົມ ຄະນະໂຄສະ ນາອົບຮົມສູນກາງພັກ ແລະ ທ່ານ ສົມຈິດ ສິງລໍຄໍາ ຮອງຫົວໜ້າຄະນະໂຄສະນາອົບຮົມແຂວງ. ພ້ອມດ້ວຍຄະນະຮັບຜິດຊອບຂັ້ນສູນກາງ, ແຂວງ, ເມືອງ ແລະ ນັກສຳມະນາກອນມາຈາກບ້ານທີ່ຢູ່ລຽບຕາມຊາຍແດນລາວ-ຫວຽດນາມ ຈຳນວນ 26 ທ່ານ, ກອງບັນຊາການ ປກຊ – ປກສ 04 ທ່ານ, ມສ ໂພນທອງ 04 ທ່ານ ລວມທັງໝົດ 34 ທ່ານ, ຍິງ 08 ທ່ານ.
