ຫຼວງພະບາງງາມແທ້ໂອ້
ປັດຈຸບັນຫຼວງພະບາງ ນັບວ່າເປັນມືອງສະຫວັນ ຂອງນັກທ່ອງທ່ຽວ ເພາະແຂກທີ່ເດີນທາງມາຍັງດິນແດນແຫ່ງນີ້ ລ້ວນແຕ່ມີຄວາມປະທັບໃຈກັບໄມຕີຈິດມິດຕະພາບ ຂອງຊາວເມືອງຫຼວງພະບາງ ທີ່ຍີ້ມແຍ້ມແຈ່ມໃສ ໂອບເອື້ອອາລີຕໍ່ແຂກທີ່ມາຢ້ຽມຢາມ, ມີຂະນົບທຳນຽມປະເພນີທີ່ງົດງາມ, ເປັນເມືອງທີ່ມີຄວາມອຸດົມສົມບູນທາງດ້ານສະຖານທີ່ທ່ອງທ່ຽວຫຼາຍທີ່ສຸດຂອງ ສປປ ລາວ, ເມື່ອທ່ານເດີນ ທາງມາຍັງຫຼວງພະບາງ ສິ່ງທີ່ພາດບໍ່ໄດ້ກໍ່ຄືການຂື້ນທ່ຽວຊົມ ພະທາດພູສີ ທີ່ຕັ້ງເດັ່ນສະຫງ່າຢູ່ກາງເມືອງຫຼວງພະບາງ.
ທ່ຽວຊົມວັດຊຽງທອງ
ຫໍພິພິທະພັນ
ສຳພັດອາກາດບໍລິສຸດ ທີ່ນໍ້າຕົກຕາດກວາງຊີ
ພ້ອມນີ້ ຫຼວງພະບາງ ຍັງມີຈຸດພິເສດທີ່ແຕກຕ່າງຈາກແຂວງອື່ນໆ ເຊິ່ງອຸດົມສົມບູນ ແລະ ຮັ່ງມີໄປດ້ວຍວັດວາອາຮາມ ປູສະນິຍະສະຖານ, ວັດຖຸບູຮານ ແລະ ສະຖາປັດຕິຍະກຳອັນເກົ່າແກ່, ວັດທະນະທຳ, ຮີດຄອງປະເພນີ ແລະ ແບບແຜນດຳລົງຊີວິດ ເຮັດໃຫ້ແຂວງຫຼວງພະບາງ ໄດ້ຖືກຮັບຮອງໃຫ້ເປັນ ເມືອງມໍລະດົກໂລກ ໂດຍ: ອົງການຢູເນສໂກນັບແຕ່ປີ 1995 ເປັນຕົ້ນມາ. ຢ່າລືມມາທ່ຽວກັນເດີ.
ຂຽນໂດຍ: ທ. ບຸນທະວີ ສົມມະນີ ໂຄສະນາແຂວງ.