ເປີດອົບອົບຮົມມະຫາຊົນຜູ້ກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກ ຊຸດທີ V ປະຈໍາປີ 2024
ໃນວັນທີ 26-27 ກັນຍາ 2024 ນີ້ ຢູ່ທີ່ຫ້ອງປະຊຸມຂອງຄະນະໂຄສະນາອົບຮົມແຂວງໄດ້ມີການຈັດຕັ້ງອົບຮົມອົບມະຫາຊົນຜູ້ກ້າວໜ້າເພື່ອຂະຫຍາຍເຂົ້າເປັນສະມາຊິກພັກ ຊຸດທີ່ V ໂດຍການເປັນປະທານ ຂອງ ສະຫາຍ ທອງຈັນ ພົມມະລັດ, ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ. ມີຄະນະຮັບຜິດຊອບ ແລະ ນັກສຳມະນາກອນມາຈາກຄະນະພັກຮາກຖານພະແນກໂຍທາທິການ ແລະ ຂົນສົ່ງແຂວງ; ຄະນະພັກຮາກຖານພະແນກເຕັກໂນໂລຊີ ແລະ ການສື່ສານ ແຂວງຫຼວງພະບາງ ຈໍານວນ 18 ສະຫາຍຍິງ 05 ສະຫາຍ.
ໃນພິທີ ປະທານໄດ້ມີຄຳເຫັນຊີ້ນຳບັ້ນຝຶກອົບຮົມ ເຊິ່ງໄດ້ເນັ້ນໜັກໃຫ້ມະຫາຊົນຜູ້ກ້າວໜ້າໄດ້ຮັບຮູ້ ແລະ ເຂົ້າໃຈ ເບື້ອງຕົ້ນກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ ຂອງພັກປະ ຊາຊົນປະຕິວັດລາວ ເຂົ້າໃຈກ່ຽວກັບມາດຖານ ແລະ ເງື່ອນໄຂຜູ້ທີ່ຈະຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ບົນພື້ນຖານຄວາມເຂົ້າໃຈດັ່ງກ່າວ ຕ້ອງຕັ້ງໜ້າຝືກຝົນຫຼໍ່ຫຼອມຕົນເອງ ໃຫ້ໄດ້ມາດຖານ, ເງື່ອນໄຂຄົບຖ້ວນ ແລະ ມີຄວາມຕື່ນຕົວສະໝັກໃຈເຂົ້າເປັນສະມາຊິກພັກ ປະຊາຊົນປະຕິ ວັດລາວ ເພື່ອເພີ່ມກໍາລັງແຮງໃຫ້ແກ່ພັກ ນັບມື້ນັບຫຼາຍຂື້ນ.
ໂດຍສະເພາະແມ່ນມະຫາຊົນຜູ້ກ້າວໜ້າ ຕ້ອງຮັບຮູ້-ເຂົ້າໃຈຢ່າງເລີກເຊີ່ງ ແລະ ມີສະຕິລະວັງຕົວຢູ່ສະເໜີ, ກໍາແໜ້ນທິດນໍາໃນການກໍ່ສ້າງພັກໃຫ້ປອດໃສເຂັ້ມແຂງ ແລະ ໜັກແໜ້ນ ເພື່ອເຮັດໃຫ້ການຈັດຕັ້ງຂອງພັກ ມີຄວາມໜັກແໜ້ນ ເພື່ອສືບຕໍ່ເຮັດໜ້າທີ່ການເມືອງ ຂອງພັກ ທີ່ໄດ້ມອບໝາຍໃຫ້ມີຜົນ ສຳເລັດສູງ.
ການອົບຮົມໃນຄັ້ງນີ້ແມ່ນນຳໃຊ້ເອກະສານອົບຮົມມະຫາຊົນຜູ້ກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກ 13 ຄໍາຖາມ 13 ຄໍາຕອບ ຂອງຄະນະໂຄສະນາອົບຮົມສູນກາງພັກ. ການອົບຮົມແມ່ນໄດ້ນຳໃຊ້ວິທະຍາກອນມາຈາກ ຄະນະໂຄສະນາອົບຮົມແຂວງ 3 ສະຫາຍ ແລະ ໄດ້ດຳເນີນເປັນເວລາ 2 ວັນ.
ຂຽນໂດຍ: ທ. ສຸດທະວີໄຫວ ມີທະວົງ, ຄະນະໂຄສະນາອົບຮົມແຂວງ
ກວດແກ້ໂດຍ: ທ. ບຸນທະວີ ສົມມະນີ, ຄະນະໂຄສະນາອົບຮົມແຂວງ