ເຮືອນໄມ້ບູຮານ ແຂວງຫຼວງພະບາງ
ເຮືອນໄມ້ແບບບູຮານທີ່ງົດງາມ ແລະ ມີມົນສະເໜໂດດເດັ່ນ ຂອງລາວ ຢູ່ທີ່ບ້ານດ່ານ, ເມືອງຈອມເພັດ, ແຂວງຫຼວງພະບາງ, ປັດຈຸບັນນີ້ຍັງເຫຼືອໄວ້ໃຫ້ເຫັນພຽງແຕ່ 29 ຫຼັງ, ເມື່ອກ່ອນນັ້ນແມ່ນມີຫຼາຍ, ຍ້ອນເງື່ອນໄຂ ສະພາບແວດລ້ອມປ່ຽນແປງໄປຕາມການເວລາ ແລະ ບາງອັນກໍ່ຍ້ອນມີການພັດທະນາໄປຕາມຍຸກ ຕາມສະໄໝຂອງສັງຄົມປັດຈຸບັນ, ເຮືອນແບບນີ້ຈິ່ງຄ່ອຍໝົດໄປ ແຕ່ກໍ່ຍັງມີໃຫ້ເຫັນຢູ່ ເຊິ່ງແບບເຮືອນລາວບູຮານນີ້ແມ່ນມີສະເໜ່ທີ່ເປັນເອກະລັກແຫ່ງຄວາມເປັນລາວ ຍິ່ງດົນນານ ຍິ່ງມີຄຸນຄ່າທາງດ້ານວັດທະນະທຳ, ຜູ້ທີ່ຜູ້ພົບເຫັນ ກໍ່ມີຄວາມສຸກ ໂດຍສະເພາະຜູ້ມັກຮັກໃນຄວາມເປັນລາວບູຮານ…
ຖ້າເສດຖະກິດ ຂອງລາວມີການຈະເລີນເຕີບໂຕຢູ່ໃນຍຸກໃດກໍ່ດີ, ບ້ານດ່ານແຫ່ງນີ້ ກໍ່ຂໍໃຫ້ມີຜູ້ຄົນມາຢ້ຽມຢາມ ເບິ່ງແຍງ, ບູລະນະຮັກສາ ວັດວາອາຣາມ ບ້ານເຮືອນ ແລະ ວິຖີຊີວິດຂອງພໍ່ແມ່ປະ ຊາຊົນບ້ານດ່ານ, ເມືອງຈອມເພັດ, ແຂວງຫຼວງພະບາງແຫ່ງນີ້ ໃຫ້ຫຼາຍຂຶ້ນເລື້ອຍໆ. (ບ້ານດ່ານແຫ່ງຄວາມຫຼັງ),
ຈົ່ງພ້ອມກັນອານຸລັກ ຮັກສາ ແລະ ປົວແປງ ໄວ້ເດີ ທ່ານເອີຍ…
ຂຽນໂດຍ: ທ. ບຸນທະວີ ສົມມະນີ, ຄະນະໂຄສະນາອົບຮົມແຂວງ