ກຳລັງໃຈແດ່ ຊາວເມືອງນານ ແຂວງຫຼວງພະບາງ
ຂໍເປັນກຳລັງໃຈ ແລະ ສົ່ງກຳລັງໃຈໄປຊ່ວຍແດ່ ຊາວເມືອງນານ ໂດຍສະເພາະ ຄອບຄົວທີ່ຖືກຜົນກະທົບຈາກໄພພິບັດນໍ້າໄຫຼຊຸ ຈາກນໍ້າຝົນທີ່ຕົກໜັກຫຼາຍມື້ຕິດຕໍ່ກັນ. ຂໍໃຫ້ທຸກຄົນປອດໄພ ແລະ ພ້ອມກັນຜ່ານພົ້ນໄປດ້ວຍດີ.
ໃນຕອນເຊົ້າຂອງວັນທີ 23 ກໍລະກົດ 2025 ນີ້ ທ່ານ ບຸນເລື່ອມ ມະນີວົງ ຮອງເຈົ້າແຂວງ ຫຼວງພະບາງ ປະທານ ຄະນະກໍາມະການຄຸ້ມຄອງໄພພິບັດຂັ້ນແຂວງ ພ້ອມດ້ວຍຄະນະຂັ້ນແຂວງ ລົງເຄື່ອນໄຫວສົມທົບກັບການນໍາເມືອງຊຽງເງິນ ຕິດຕາມສະພາບລະດັບນ້ຳຄານ ຢູ່ເຂດເມືອງຊຽງເງິນ ແຂວງ ຫຼວງພະບາງ ເພື່ອເປັນການຕິດຕາມເຝົ້າລະວັງ ແລະ ປ້ອງກັນບໍ່ໃຫ້ມີຜົນເສຍຫາຍເປັນວົງກວ້າງ ເນື່ອງຈາກປະລິມານນ້ຳຄານໃນຕອນເໜືອຍັງມີທ່າອ່ຽງເພີ່ມຂຶ້ນສູງ ສາເຫດເນື່ອງຈາກມີຝົນຕົກໜັກຕິດຕໍ່ກັນຫຼາຍວັນ ມີນໍ້າຫຼາຍສາຍເພີ່ມຂຶ້ນ ໂດຍສະເພາະແມ່ນ ນໍ້າຄານ.
ຂ່າວ: ທ. ບຸນທະວີ ສົມມະນີ, ຄະນະໂຄສະນາອົບຮົມແຂວງ